Taumatina

Na Galipedia, a Wikipedia en galego.

A taumatina, tamén coñecido polo código E 957, é un dos edulcorantes máis poderosos. É un extracto glucopeptídico extraído da pulpa do froito do katemfe, Thaumatococcus danielli, planta arbustiva de África Occidental, que o organismo metaboliza como as demais proteínas da dieta.

Ten un certo regusto a regalicia, e ás veces mesturase con glutamato para potenciar o sabor. En Inglaterra está autorizada para adozar medicinas, en EEUU para o chicle e en Australia como axente aromatizante.

Utilizase en bebidas que conteñen café, saborizantes, refrescos, produtos enriquecidos con vitaminas e minerais, produtos para a hixiene da boca e produtos baixos en graxa.

Figura no Libro Guinness dos Récords como a sustancia máis doce coñecida, unhas 2.500 veces máis que o azucre común.