Taite

Na Galipedia, a Wikipedia en galego.
(Redirixido desde "Taidu")
Saltar ata a navegación Saltar á procura

Taite (chamada en asirio Taidu) foi unha das capitais de Mitanni. Suponse que estaba na rexión do río Khabur, pero aínda non se atopou con certeza, se ben o experto italiano Mirjo Salvini pensa que está en Tell Hamidiya. Desde o comezo do século –XIV foi residencia temporal dos reis que dominaron a parte oriental do país, mentres o rei Tushratta gobernaba en Washukanni. Esta situación durou ata aproximadamente o -1340, cando a dinastía oriental foi eliminada pola intervención do rei hitita Suppiluliumas I.

Baixo o rei Wasashatta volveu ser capital de Mitanni, polo menos ata que foi ocupada polos asirios sobre -1290. Taite foi ampliada por Adadnirari I de Asiria, quen construíu nela canles de rego e un palacio e deixou nela algunhas estelas.