Tabula hospitalis do Courel
| Tabula hospitalis do Courel | |
 | |
| Tipo | Tabula hospitalis |
| Características | |
| Lonxitude | 16,5 cm |
| Altura | 28 cm |
| Materiais | Bronce |
| Descuberta | |
| Localización | O Carbedo, Esperante, Folgoso do Courel,  Galicia
|
| Conservación | |
| Localización | Museo Provincial de Lugo |
A Tabula Hospitalis do Courel, tamén coñecida como Táboa de Hospitalidade de Carbedo, é unha peza de bronce cun texto en latín da época da romanización de Galicia. Foi atopada no Carbedo (Folgoso do Courel), e desde novembro de 1959 consérvase no Museo de Lugo.
Características
[editar | editar a fonte]A peza consta dunha lámina de bronce rectangular de 18,5 cm x 13,7 cm, na que se inscribiu o texto, e un marco columnado de 28 x 16,5 cm, cun frontón triangular flanqueado por dous apliques de tripla voluta calada e cunha cabeza masculina en altorrelevo no centro.
O texto fala dun pacto entre o seurro Tilego, fillo de Ambato, e os Lougeis do castellum Toletensis, comprometendo a si mesmo e á súa familia e descendentes ao establecemento de lazos de hospitalidade, solicitándolle estes protección perpetua.
Este pacto entre un particular e unha colectividade indíxena con autorización das autoridades romanas carece de carácter ou calidade de lei, mais dispón de validez xurídica pública ao ser trasladado á táboa de bronce.
Véxase tamén
[editar | editar a fonte]Ligazóns externas
[editar | editar a fonte]- Ficha na web do Museo de Lugo, escrita por Enrique Alcorta Irastorza.