Sótades de Maronea

Sótades de Maronea

Nome orixinal	(grc) Σωτάδης
Biografía
Nacemento	século IV a. C. Maronia, Grecia (pt)
Morte	século III a. C.
Actividade
Ocupación	comediógrafo, filósofo, escritor
Período de tempo	Período helenístico
Xénero artístico	Poesía iámbica
Familia
Fillos	Apollonius
Descrito pola fonte	Dicionario Enciclopédico Brockhaus e Efron Real'nyj slovar' klassicheskih drevnostej po Ljubkeru Encyclopædia Britannica

Sótades de Maronea (en latín Sotades, grego antigo Σωτάδης) foi un poeta grego nado en Maronea en Tracia (segundo algunhas referencias era natural de Creta, pero xeralmente chámase Μαρωνείτης).

Traxectoria

Floreceu en Alexandría ao redor do -280 Escribiu poemas lascivos chamados φλύακες ou κίναιδοι (Flyakes ou Kinaidoi), en dialecto xónico ou tamén Ἰωνικοὶ λόγοι (Ionikoí logoi "versos xónicos") ou Σωτάδεια ᾁσματα (Sotádeia asmata "Cancións de Sotades")

Atacou a Tolomeo II Filadelfo cando casou coa súa irmá Arsinoe, e o rei encarcerouno durante moito tempo. Escapou, pero foi feito prisioneiro en Caunus polo xeneral exipcio Patroclo, e guindouno ao mar nunha caixa de chumbo.

Quedan pequenos fragmentos das súas obras e os seguintes títulos mencionados por Hefestión e a Suídas:

• Ἄδωνις (Adonis).
• Ἀμαζών (Amazona).
• εἰς ᾁδου κατάβασις (Eis adou katábasis).
• εἰς Βελεστίχην (Eis belestichen).
• Ἰλίας (Ilías).
• Πρίηπος (Príepos).

O metro poético que usaba con máis frecuencia era coñecido como metro sotadeano. Ateneo de Naucratis fai algúns comentarios sobre este poeta, que parece que tivo varios imitadores, entre eles o seu fillo Apolonio e Caristio, e que os poetas latinos Ennio e Accio copiaron o seu estilo, mesmo entre os eclesiásticos gregos, xa que san Atanasio de Alexandría acusou a Ario de escribir nun estilo que se aproximaba aos “poemas sotadeos”.

Véxase tamén

Bibliografía

• Smith, William, ed. (813-1893). A Dictionary of Greek and Roman biography and mythology. Colección: Making of America Books (en inglés).