Sun Kil Moon

Na Galipedia, a Wikipedia en galego.
Saltar ata a navegación Saltar á procura
Sun Kil Moon
Sun Kil Moon Paris 2014.jpg
OrixeSan Francisco, California, Flag of the United States.svg
Período2002 - presente
Xénero(s)folk rock, indie folk, rock alternativo
Selo(s) discográfico(s)Caldo Verde Records
MembrosMark Kozelek
Antigos membrosTim Mooney
Anthony Koutsos
Geoff Stanfield
Jerry Vessel
Phil Carney
Páxina webwww.sunkilmoon.com

Sun Kil Moon é unha banda estadounidense de folk rock procedente de San Francisco, California, e fundada no ano 2002. Inicialmente foi unha continuación do desaparecido grupo de indie rock Red House Painters, pero na actualidade é o principal proxecto do vocalista e guitarrista Mark Kozelek. A banda chámase así polo boxeador de pesos lixeiros coreano Sung-Kil Moon.

Tras a atrasada edición do derradeiro álbum de estudio de Red House Painters, Old Ramon (2001), Kozelek comezou a gravar material novo baixo o nome de Sun Kil Moon cos compañeiros de anda Jerry Vessel (baixo) e Anthony Koutsos (batería). O álbum resultante, Ghosts of the Great Highway, foi publicado en 2003 co recoñecemento xeneralizado da crítica. O segundo traballo do proxecto, Tiny Cities (2005), estaba composto enteiramente por versións de Modest Mouse.

No ano 2008 a anda lanzou o seu terceiro álbum de estudio, April. Gravado como un trío, co baixista Geoff Stanfield uníndose a Kozelek e Koutsos, o disco foi ben recibido e contou cos vocalistas da escena indie Will Oldham e Ben Gibbard.

Inspirado pola música de guitarra clásica, Kozelek gravou en solitario o cuarto álbum da banda, Admiral Fell Promises (2010), e continuou gravando só a meirande parte do seguinte, Among the Leaves (2012). En 2013 Kozelek editou tres discos co seu propio nome antes de lanzar o sexto disco de Sun Kil Moon, Benji, aparecido en febreiro de 2014 coa aclamacion da meirande parte da crítica.

Discografía[editar | editar a fonte]

Álbum Ano Selo
Ghosts of the Great Highway 2003 Jetset Records, Caldo Verde Records
Tiny Cities 2005 Caldo Verde Records
April 2008 Caldo Verde Records
Admiral Fell Promises 2010 Caldo Verde Records
Among the Leaves 2012 Caldo Verde Records
Benji 2014 Caldo Verde Records
Universal Themes 2015 Caldo Verde Records
Common as Light and Love Are Red Valleys of Blood 2017 Caldo Verde Records

Colaboracións con Jesu[editar | editar a fonte]

Álbum Ano Selo
Jesu/Sun Kil Moon 2016 Caldo Verde, Rough Trade
30 Seconds to the Decline of Planet Earth 2017 Caldo Verde

Véxase tamén[editar | editar a fonte]

Ligazóns externas[editar | editar a fonte]