Sublime (grupo musical)

Sublime
	Instancia de grupo musical
	Xénero ska punk; reggae rock (en)
	Composto por Jakob James Nowell (en) cantante principal, guitarrista (2023 - ); Bud Gaugh (en) batería ; Eric Wilson (en) baixista ; Bradley Nowell (pt) cantante principal, guitarrista
	Selo discográfico Gasoline Alley; Skunk Records (en)
Obra
	Discografía Sublime discography (en)
Datas
	Inicio de actividade 1988
	Fin de actividade 1996
	Data de fundación 1988
Localización
	Lugar de formación Long Beach
	País de orixe Estados Unidos de América
Identificadores
VIAF
VIAF	126869594
Fontes e ligazóns
	Páxina WEB sublimelbc.com
	Redes
	Wikidata C:Commons

Para outras páxinas con títulos homónimos véxase: Sublime.

Sublime foi unha banda estadounidense de ska punk e reggae rock procedente de Long Beach (California) e fundada en 1988. A súa formación, que permaneceu inalterable durante toda a súa carreira, estivo composta polo vocalista e guitarrista Bradley Nowell, o baixista Eric Wilson e o batería Bud Gaugh. Lou Dog, o dálmata de Nowell, foi a mascota da banda. Michael 'Miguel' Happoldt e Marshall Goodman "Ras MG" contribuíron e co-escribiron varias cancións de Sublime. Nowell morreu dunha sobredose de heroína en 1996. En 1997, cancións póstumas como "Santeria", "Wrong Way", "Doin' Time", e "April 29, 1992 (Miami)" foron liberadas á radio estadounidense.

Sublime publicou tres álbums de estudio, un álbum ao vivo, cinco recompilatorios (un dos cales tamén contén material inédito), tres EPs e un box set. Aínda que os seus dúas primeiros álbums, 40oz. to Freedom (1992) e Robbin' the Hood (1994), foron moi populares nos Estados Unidos, Sublime non experimentou un grande éxito comercial ata a edición do seu terceiro traballo en 1996, Sublime, lanzado dous meses despois da morte de Nowell. Este disco acadaría o posto 13 da lista Billboard 200 e del sacouse o sinxelo "What I Got", que foi o único número 1 do grupo en toda a súa traxectoria. Cara 2009 Sublime vendera ao redor de 17 millóns de álbums en todo o mundo, 10 deles nos Estados Unidos.

En 2009, os membros superviventes decidiron reformar a banda con Rome Ramirez, un guitarrista novo e seareiro do grupo. Porén, non moito despois de actuar no Smokeout Festival de Cypress Hill, un xulgado dos Ánxeles prohibíulles actuar co nome de Sublime. Isto foi debido a que Nowell fora dono dos dereitos do mesmo, e como resultado non podían usalo se no seu testamento non tiñan permiso para facelo. En xaneiro de 2010 resolveuse a demanda e a nova formación actúa agora co nome Sublime with Rome, editando o seu álbum de estrea, Yours Truly, o 12 de xullo de 2011. Cinco meses despois do seu lanzamento Gaugh anunciou que abandonaba o grupo.

Discografía

Álbum	Ano	Selo
40oz. to Freedom	1992	Skunk Records
Robbin' the Hood	1994	Skunk Records
Sublime	1996	MCA