Sisavang Vong
Sisavang Vong, nado en Luang Prabang o 14 de xullo de 1885 e finado na mesma cidade o 29 de outubro de 1959, foi o rei de Luang Prabang entre o 1904 e o 1945. Foi tamén rei de Laos, entre o 1946 e a súa morte, o 1959.
Traxectoria[editar | editar a fonte]
Fillo do rei Sakarindra e da raíña Thongsy. Estudou no Lycée Chasseloup-Laubat en Saigón, despois na École Coloniale, en París. Era coñecido como un rei playboy que chegou a ter 15 esposas, sendo dúas delas súas medio irmás[1], ademais de 50 fillos. Catorce dos seus fillos morreron nun accidente de barco no río Mekong.
Logo da morte de Sakarindra, Sisavang Vong sucedeuno como rei de Luang Prabang o 25 de marzo de 1904. Luang Prabang era nese momento un protectorado francés na Indochina Francesa. Sisavang sempre apoiou o mandato francés en Indochina, e o 1945 rexeitou cooperar cos nacionalistas, sendo derrubado cando o país proclamou a súa independencia. En abril de 1946 os franceses ocuparon unha vez máis o país, e el foi reconducido ao trono.
Cando caeu doente, Sisavang Vong fixo do seu fillo, Savang Vatthana, rexente. Savang Vatthana sucedeuno no trono á súa morte, en 1959[2].
Notas[editar | editar a fonte]
| Rei de Laos | ||
|---|---|---|
Segue a: - |
Sisavang Vong | Precede a: Savang Vatthana |
| Control de autoridades |
|
|---|
