Shine

Shine
EP de Mother Love Bone
Data de edición:	20 de marzo de 1989
Lanzamento:	{{{lanzamento}}}
Datas de gravación:	novembro de 1988
Estudio(s) de gravación:	London Bridge Studios, Seattle, Washington
Duración:	19:05
Xénero musical:	rock alternativo, grunge, hard rock
Selo discográfico:	Stardog/Mercury Records
Producido por:	Mark Dearnley
Cronoloxía
- Shine Apple

Shine é o primeiro EP da banda estadounidense de rock alternativo Mother Love Bone, publicado o 20 de marzo de 1989 a través de Stardog/Mercury Records. Este foi o único recompilatorio de gravacións que se publicou durante a vida do cantante Andrew Wood.

O EP gravouse en novembro de 1988 nos London Bridge Studios de Seattle, Washington, co produtor Mark Dearnley. Dearnley tamén foi o encargado de mesturar o traballo, e Charles Peterson fixo a fotografía da portada. Coa excepción de "Chloe Dancer/Crown of Thorns". de máis de oito minutos de duración, a maioría das cancións do EP percorren ao lado máis cru da banda. As letras oníricas do vocalista Andrew Wood cántanse nun tono de tenor que lembra moito ao líder de Led Zeppelin, Robert Plant. Mother Love Bone converteuse na primeira das novas bandas de Seattle en ter un lanzamento a través dun selo importante.

O disco vendeuse ben e aumentou rapidamente o bombo ao redor da banda. John Book de Allmusic dixo que "o disco contribuíu á expectación da escena musical de Seattle". Todo este lanzamento foi posteriormente reeditado no álbum recopilatorio Mother Love Bone (tamén coñecido como Stardog Champion) en 1992, coa excepción da canción oculta "Zanzibar" que só se pode atopar neste EP.

Listaxe de cancións

Todas as letras escritas por Andrew Wood, toda a música composta por Jeff Ament, Bruce Fairweather, Greg Gilmore, Stone Gossard, e Wood.

N.º	Título	Duración
1.	"Thru Fade Away"	3:40
2.	"Mindshaker Meltdown"	3:47
3.	"Half Ass Monkey Boy"	3:18
4.	"Chloe Dancer/Crown of Thorns"	8:32