Saule Doszhan

Saule Doszhan

Biografía
Nacemento	2 de setembro de 1959 (65 anos) Aqtam, Kazakhstán
Educación	Universidade Nacional Al-Farabi Universidade de Asia Central
Actividade
Ocupación	escritora, poetisa
Familia
Cónxuxe	Sat Tokpakbaev
Fillos	Raigul Doszhan (1982), Ainur Doszhan (1988), Assel Doszhan (1993).
Premios
Traballadora de Honra de Kazakhstán  Medalla dos 10 anos do Parlamento da República de Casaquistán

Saule Doszhan (kazako: Сәуле Мағазбекқызы Досжан, Sáýle Maǵazbekqyzy Dosjan), nada en Aqtam (distrito de Uigur, na provincia de Almati) o 2 de setembro de 1959, é unha xornalista e escritora kazaka en lingua kazaka.

Traxectoria

Desde 1974 publicou poemas e artigos no xornal Zhetisu. En 1987 graduouse en Xornalismo na Universidade Estatal de Kazakhstán Al-Farabi, e en Dereito en 2006 pola Universidade de Asia Central.

Sendo estudante participou no Festival Zhiger. Colaborou na publicación Egemen Kazakhstan ("Kazakhstán Socialista") e na Radio Kazaka. Foi editora do xornal de Lingua e Literatura Kazaka, e primeira editora da revista Ulagat. Desde 2003 foi secretaria dos Mazhilis no Parlamento de Kazakhstán. En 2015 foi nomeada Traballadora Honorífica de Kazakhstán.

É membro do Sindicato de Escritores de Kazakhstán, do Sindicato de Xornalistas e da International Women's Writing Guild.

Vida persoal

Está casada con Sat Tokpakbaev e ten tres fillos: Raigul (1982), Ainur (1988) e Assel Doszhan (1993).

Obra

• Жыр тәж (2000, poesía)
• Үшінші есіктің құпиясы ("O segredo da terceira porta"; 2006, prosa)
• Жатқа туған бала (2008, prosa)
• Арман қала (2011, poesía)
• Үлкен үйдегі үрей ("Medo na Gran Casa do Medo"; 2013, prosa);
• Құдіретті қалам иесі (2014, prosa)
• Менің жалғыз серігім (2015, poesía)
• Өгей жүрек (2015, prosa)
• Мое чужое сердце ("Corazón estraño"; 2016, prosa; traducido ao ruso e o alemán.)
• Сағыныш (prosa)