Sabina Choqueticlla
| Biografía | |
|---|---|
| Nacemento | 1950  Departamento de Oruro, Bolivia |
| Morte | xaneiro de 2014 (63/64 anos) |
| Datos persoais | |
| País de nacionalidade | Bolivia |
| Grupo étnico | Pobo aimará |
Camila Choqueticlla Mamani,[1] máis coñecida polo nome Sabina Choqueticlla, nada en Oruro en 1950 e finada en El Alto en xaneiro de 2014, foi unha líder aimará, guerrilleira, política e candidata á vicepresidencia de Bolivia durante as eleccións presidenciais de 2005.[2][3]
Traxectoria[editar | editar a fonte]
Choqueticlla naceu no departamento de Oruro, ao oeste de Bolivia. Foi militante do EGTK.[4]
Na década de 1980 formou parte do MITKA, Movemento Indio Tupak Katari, do cal se arredou posteriormente xunto a Felipe Quispe, José Aramayo e Fernando Surco.[5]
Foi unha das fundadoras da Confederación Nacional de Mulleres Labregas Indíxenas Orixinarias de Bolivia - Bartolina Sisa en 1980, cando a denominación e figura da organización foi a de Federación Nacional Mulleres de Bolivia Bartolina Sisa e desenvolveu o rol de dirixente nas súas diferentes etapas. En 1986 foi elixida líder da organización, conseguindo en 1989 que a organización tivese a mesma xerarquía ca a Confederación Sindical Única de Traballadores Labregos de Bolivia .[6]
Notas[editar | editar a fonte]
- ↑ "Bolivia: Elecciones Presidenciales de 2005". pdba.georgetown.edu. Consultado o 2024-03-24.
- ↑ YÁÑEZ-BARNUEVO (2005). "Informe del Sr. YÁÑEZ-BARNUEVO, Presidente de la Delegación dirigida a las Comisiones de Asuntos Exteriores y de Desarrollo" (PDF). DELEGACIÓN PARA LA OBSERVACIÓN ELECTORAL EL 18 DE DICIEMBRE DE 2005 EN BOLIVIA. Consultado o 24-03-2024.
- ↑ "BBC Mundo | Los candidatos". www.bbc.co.uk. Consultado o 2024-03-24.
- ↑ "El Ejército Guerrillero Tupak Katari (EGTK), la insurgencia aymara en Bolivia". pacarinadelsur.com. Consultado o 2024-03-24.
- ↑ "CeDeMA". cedema.org. Consultado o 2024-03-24.
- ↑ "FOTOREPORTAJE: Confederación Bartolina Sisa, 42 años de lucha, dignidad y rebeldía". APCBOLIVIA (en castelán). 2022-01-11. Consultado o 2024-03-24.
