Sa Talaiassa

Na Galipedia, a Wikipedia en galego.

Coordenadas: 38°54′41″N 01°16′27″L / 38.91139, -1.27417

Vista dende o cumio en dirección noroeste.

Sa Talaiassa, tamén coñecido como sa Talaia ou sa Talaia de Sant Josep, é o monte máis elevado da illa de Eivisa, nas Illas Baleares, con 475 metros de altitude. Atópase na zona suroeste da illa, no concello de Sant Josep de sa Talaia.

Presenta unha orientación suroeste-nordés, como todas as montañas de Eivisa e Mallorca. É relativamente plano no cumio, ao que se pode acceder por estrada. Hai nel un dos repetidores de señais de televisión da illa. O 7 de xaneiro de 1972 un avión de Iberia que cubría a ruta entre Madrid e Eivisa estrelouse no monte, causando 104 mortos, a totalidade dos seus pasaxeiros e tripulación.