RuPaul's Drag Race
RuPaul's Drag Race | |
---|---|
Formato | Reality de televisión |
Duración | 42-60 minutos |
Producido por | Michelle Visage e John Polly |
Presentado por | RuPaul |
Localización(s) | Estados Unidos de América |
Cadea | Logo TV (2009-2016) VH1 (2017-actualidade) |
Día da estrea | 2 de febreiro de 2009 |
Última emisión | actualidade |
Nº de temporadas | 14 |
Nº de episodios | 191 |
Na rede
| |
http://www.logotv.com/shows/rupauls-drag-race e https://www.mtv.com/shows/rupauls-drag-race | |
RuPaul's Drag Race é un programa de televisión de telerrealidade estadounidense, o primeiro da franquía Drag Race, producido pola compañía World of Wonder para Logo TV, e a partir da 2017 para VH1. Está presentado por RuPaul e o seu obxectivo é dar coa "próxima superestrela drag dos Estados Unidos".[1] RuPaul ten o papel de anfitrioa, mentora e líder do xurado do programa, posto que as concursantes teñen que superan diferentes retos cada semana. O xurado componse, ademais, de Michelle Visage e varios convidados que critican e analizan o progreso das concursantes ao longo da competición. Até xaneiro de 2022, houbo 14 edicións e 14 gañadores do programa: BeBe Zahara Benet, Tyra Sanchez, Raja, Sharon Needles, Jinkx Monsoon, Bianca Del Rio, Violet Chachki, Bob the Drag Queen, Sasha Velour, Aquaria, Yvie Oddly, Jaida Essence Hall, Symone, e Willow Pil.
RuPaul's Drag Race abrangue 13 tempadas e inspirou os derivados RuPaul's Drag U, RuPaul's Drag Race All Stars e RuPaul's Secret Celebrity Drag Race. O programa converteuse no mellor valorado da programación de Logo TV,[2] e emítese de xeito internacional no Reino Unido, en Australia, no Canadá, nos Países Baixos e en Israel. Entre 2016 e 2020, RuPaul gañou cinco Premios Emmy consecutivos na categoría de Presentador Sobresaínte dun programa de telerrealidade. O propio programa levou o Premio Emy Primetime na categoría de Programa Sobresaínte de Telerrealidade nos anos 2018, 2019 e 2020, así como o Premio 21st GLAAD Media. Tamén foi candidato nos Premios da Crítica Televisiva nas categorías de Mellor Serie de Telerrealidade e Mellor Presentación de Programa de Telerrealidade, e nos Premios Emmy Creative Arts nas categorías de Maquillaxe. En 2018, o programa converteuse no primeiro en gañar á vez o Premio Emmy ao Mellor Presentador e Mellor Programa de Telerrealidade, fito que repetiu dende entón.[3][4][5] A décimo terceira tempada estreouse o 1 de xaneiro de 2021.
Notas[editar | editar a fonte]
- ↑ Hughes, Scarlett (16 de maio de 2008). ""RuPaul's Drag Race"!". Right TV. Arquivado dende o orixinal o 04 de marzo de 2016. Consultado o 12 de outubro de 2011.
- ↑ "For 'RuPaul's Drag Race' Mainstream Is Jumping the Shark". Entertainment Tonight.
- ↑ "'RuPaul's Drag Race's Emmys Win: See The Best Reactions". Billboard. Consultado o 16 de xaneiro de 2021.
- ↑ "Nominees/Winners | Television Academy". Emmys.com. Consultado o 16 de xaneiro de 2021.
- ↑ "Nominees/Winners | Television Academy". Emmys.com. Consultado o 16 de xaneiro de 2021.
Véxase tamén[editar | editar a fonte]
Wikimedia Commons ten máis contidos multimedia na categoría: RuPaul's Drag Race |
Ligazóns externas[editar | editar a fonte]
- Ficha do programa na IMDb (en inglés)
- RuPaul's Drag Race en Facebook
- Edgar, E. (2011). "Xtravaganza!": Drag Representation and Articulation in "RuPaul's Drag Race". Studies in Popular Culture,34(1), 133–146. Recuperado de "Xtravaganza!": Drag Representation and Articulation in "RuPaul's Drag Race"