Rodan

Na Galipedia, a Wikipedia en galego.
Saltar ata a navegación Saltar á procura
Rodan
OrixeLouisville, Kentucky, Flag of the United States.svg
Período1992 - 1995
Xénero(s)post-hardcore, math rock, indie rock, post-rock
Selo(s) discográfico(s)Quarterstick Records
MembrosJeff Mueller
Jason Noble
Tara Jane O'Neil
Kevin Coultas
Jon Cook
John Weiss
Artistas relacionadosRachel's, June of 44, Shipping News

Rodan foi unha banda estadounidense de post-hardcore activa entre os anos 1992 e 1995. A formación máis coñecida do grupo estaba composta por Jeff Mueller (guitarra/voces), Jason Noble (guitarra/voces), Tara Jane O'Neil (baixo/voces), e Kevin Coultas (batería).

Historia[editar | editar a fonte]

Rodan formouse en Louisville, Kentucky no ano 1992. Despois de que os baterías Jon Cook e John Weiss pasasen brevemente pola banda, en 1993 uníuse Kevin Coultas, que estaría co grupo ata a súa disolución. Tamén en 1993 a banda gravou a súa demo Aviary que tivo unha edición limitada. Posteriormente dúas cancións de Aviary; "Milk and Melancholy" e "Exoskeleton", foron regravadas e publicadas como o EP How the Winter Was Passed. Seis dos temas da demo tamén foron regravados por Bob "Rusty" Weston (de Shellac) e editados en 1994 como o álbum Rusty. A banda actuou como "Truckstop" na road movie de culto de 1994 Half-cocked á que tamén prestaron música para a súa banda sonora. Aínda que nunca fichou polo selo, Rodan tiña unha relación moi próxima a Simple Machines, contribuínda a varios recompilatorios e tocando no festival Working Holiday da discográfica. A banda tamén realizou unha sesión John Peel en 1995.

Rodan separouse en 1995 dedicándose os seus membros a outros proxectos musicais: O'Neil en Retsin e en varios traballos en solitario; Mueller en June of 44; Coultas e Noble en Rachel's; e Coultas e O'Neil en The Sonora Pine. Mueller e Noble crearon Shipping News a finais de 1996 e continuaron tocando ata que Jason Noble morreu de cancro o 4 de agosto de 2012. Jon Cook, o batería orixinal da banda, morreu en febreiro de 2013.

Discografía[editar | editar a fonte]

Álbums[editar | editar a fonte]

Álbum Ano Selo
Rusty 1994 Quarterstick Records