República Federal de Iugoslavia
Савезна република Југославија/Savezna Republika Jugoslavija (sr)  | |||||
| |||||
| Himno | Hej, Sloveni | ||||
|---|---|---|---|---|---|
| Localización | |||||
| |||||
| Capital | Belgrado | ||||
| Poboación | |||||
| Poboación | 10.659.979 (2002) (104,15 hab./km²) | ||||
| Lingua oficial | lingua serbia | ||||
| Relixión | cristianismo ortodoxo | ||||
| Xeografía | |||||
| Superficie | 102.350 km² | ||||
| Datos históricos | |||||
| Precedido por | |||||
| Creación | 27 de abril de 1992 | ||||
| Disolución | 4 de febreiro de 2003 | ||||
| Sucedido por | Serbia e Montenegro | ||||
| Organización política | |||||
| Forma de goberno | república | ||||
| Moeda | Dinar iugoslavo (pt)  | ||||
| Identificador descritivo | |||||
| Dominio de primeiro nivel | .yu | ||||
| Código de país | sen valor e YU | ||||
| Sitio web | srbija.gov.rs | ||||
.svg)
A República Federal de Iugoslavia foi un estado federal formado polas repúblicas de Serbia e de Montenegro en 1992 e que no ano 2003 foi renomeado por Serbia e Montenegro. A capital foi a cidade de Belgrado.
Historia
[editar | editar a fonte]O novo Estado
[editar | editar a fonte]Tras a caída da República Federal Socialista de Iugoslavia entre 1991 e 1992, só Serbia e Montenegro acordaron manter o estado iugoslavo, e estableceron unha nova constitución para unha nova Iugoslavia en 1992. Coa caída do comunismo na Europa do Leste, o novo estado seguiu a onda de cambios e non reviviu a estrutura do partido comunista (que fora disolta en 1990). O novo estado deixou a simboloxía comunista: a estrela vermella foi retirada da bandeira, e o escudo de armas comunista foi substituído por unha aguia bicéfala coas armas de Serbia e de Montenegro. Outros cambios foron introducidos como renomear a policía ata entón Milicija (Милиција) por Policija (Полиција); as dúas repúblicas terían as súas propias forzas. O novo estado estableceu un goberno baseado nun sistema dun só presidente, que sería elixido de xeito democrático, así coma un parlamento democrático.
Serbia e Montenegro
[editar | editar a fonte]No 2002 os gobernos das dúas repúblicas que conformaban a federación chegaron a un novo acordo co propósito de mellorar a cooperación entre as dúas. O 4 de febreiro do 2003, aprobouse unha nova Carta Constitucional, o estado foi reestruturado, e cambiouse o nome polo de Unión dos Estados de Serbia e Montenegro. Porén diversos grupos comezaron a premer pola independencia de Montenegro, que finalmente foi aprobada o 21 de maio de 2006 e declarada o 3 de xuño de 2006.
