Recursividade
A recursividade, ou recursión, é a propiedade pola cal un proceso, estrutura ou definición se aplica a si mesma de maneira autosemellante, é dicir, que se pode repetir un número indefinido de veces.[1] O termo emprégase en diversas disciplinas, como a lingüística, a lóxica, as matemáticas ou as ciencias da computación.[2][3]
En matemáticas e informática, a recursividade refírese a un método de definición no que unha función ou obxecto se describe facendo referencia a si mesmo, sempre que exista unha condición inicial que evite unha cadea infinita de repeticións.[4] Especificamente, defínense un número potencialmente infinitos de puntos para unha función utilizando unha expresión finita que pode referirse a outros puntos da función, sempre que ocorra dun xeito no que non poida suceder unha cadea infinita de referencias. É dicir, isto permite definir conxuntos ou operacións infinitas mediante regras finitas.
Na lingüística, a recursividade é a capacidade dunha lingua para inserir unha estrutura dentro doutra do mesmo tipo, como ocorre cando unha frase contén outra frase, o que posibilita crear expresións de complexidade potencialmente ilimitada.[5]
Definición formal
[editar | editar a fonte]En matemáticas e ciencia da computación, unha serie ou clase de obxectos exhiben un comportamento recursivo se poden definirse coas seguintes dúas propiedades:
- Existe un caso base (ou varios) simple.
- Hai un conxunto de regras que reducen tódolos outros casos a un caso base.
Notas
[editar | editar a fonte]- ↑ "RECURSIVO". Dicionario da Real Academia Galega. Consultado o 2025-10-13.
- ↑ Dean, Walter; Naibo, Alberto (2025). Zalta, Edward N.; Nodelman, Uri, eds. Recursive Functions (Summer 2025 ed.). Metaphysics Research Lab, Stanford University.
- ↑ "Mathematics for Computer Science. Spring 2015; MIT" (PDF). ocw.mit.edu (en inglés).
- ↑ "Apontamentos/ Recursividade" (PDF). www.dcc.fc.up.pt. Consultado o 13 de outubro de 2025.
- ↑ S.A, Priberam Informática. "recursividade". Dicionário Priberam da Língua Portuguesa (en portugués). Consultado o 2025-10-13.
Véxase tamén
[editar | editar a fonte]
----
|
Este artigo sobre ciencias é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |