Ramón Martínez Insua
| Biografía | |
|---|---|
| Nacemento | século XIX  Santiso de Abres, España |
| Morte | 12 de maio de 1932 Mondoñedo, España |
| Alcalde de Mondoñedo | |
| 1916 – 1918 ← Alejo Ferreiro Soilán – José María Álvarez Mon → | |
| Datos persoais | |
| País de nacionalidade | España |
| Actividade | |
| Ocupación | empresario , artista , político |
Ramón Martínez González de Insua, coñecido como Ramón Martínez Insua, nado en Santiso de Abres e finado en Mondoñedo o 12 de maio de 1932, foi un empresario, artista e político galego.
Traxectoria[editar | editar a fonte]
Fillo de Juan Martínez Rocha e Manuela González Fernández. Habilitado do clero mindoniense, foi tallista, debuxante e inventor. En 1888 esculpiu unha estatua de Santa Catarina para o Seminario de Mondoñedo e en 1896 un busto de mármore do bispo Sarmiento.[1] Foi presidente da Adoración Nocturna de Mondoñedo.[2] En 1911 apareceu na revista Industria e Invenciones a recensión dun seu invento: un forno intermitente, mixto, con grella móbil, sistema Martínez, para a obtención de cal graxa. Leal a Avelino Montero Villegas, foi concelleiro de Mondoñedo dende principios de século, foi primeiro tenente alcalde, e en marzo de 1916 fíxose cargo da alcaldía de Mondoñedo.[3] Foi nomeado alcalde de Mondoñedo por Real Orde en xuño de 1916.[4] Volveu ser elixido alcalde a principios de xaneiro de 1918.[5] En marzo de 1918 presentou a súa dimisión irrebogable a causa dun incidente por un comiso de fariñas.[6] Foi escultor e pintor e mestre de escultura e pintura. Experto arqueólogo, foi membro da Sociedade Arqueolóxica de Pontevedra.
| Predecesor: Alejo Ferreiro Soilán |
 Alcalde de Mondoñedo 1916 - 1918 |
Sucesor: José María Álvarez-Mon Basanta |
Vida persoal[editar | editar a fonte]
Casou en Mondoñedo con Francisca Arias Galán. Viúvo, volveu casar o 22 de abril de 1896 con Enriqueta Huerta Carranque, mestra privada de nenos.