Río de San Mamede, río Miño
| Río de San Mamede | |
|---|---|
 Pasarela sobre o río de San Mamede, preto do Chao do Monte, Lugo | |
| País |  España |
| Comunidade Autónoma |  Galicia |
| Nacemento | Xesús de Nazaret[1] |
| Altitude | 465 m [Cómpre referencia] |
| Lonxitude | 6,56 km [Cómpre referencia] |
| Desembocadura | Río Miño[1] |
| Altitude desembocadura | 358 m [Cómpre referencia] |
| Cadea fluvial | Río de San Mamede, Río Miño |
 | |
| Conca do río Miño no territorio galego | |
O río de San Mamede é un afluente pouco caudaloso do curso alto do río Miño pola súa marxe esquerda.
Curso[editar | editar a fonte]
Nace co nome de rego de San Cibrao preto do lugar de Xesús de Nazaret (Bóveda, Lugo). Recibe as augas do rego de Penadarca pola marxe esquerda entre dúas graveiras e un vertedoiro. Preto de Luxilde recibe o rego de Mollapán pola marxe esquerda. Cambia de nome a río de San Mamede tras pasar a vía do tren preto de Buratai. Á altura de Malle recibe pola marxe esquerda o rego de Malle, xusto antes de atravesar a autovía A-6 e introducirse na parroquia de Santo André de Castro. Na Ponte do Castro, no lugar do Cuco recibe pola marxe esquerda o rego dos Foxos, e dende a xunta sae o canal que alimenta o muíño. Finalmente desemboca no río Miño entre o Chao do Monte e a nova depuradora de Lugo.[1]
Notas[editar | editar a fonte]
- ↑ 1,0 1,1 1,2 Xunta de Galicia. "Mapa de fondo: Mapa Base Vectorial. Procura territorial provincia Lugo, concello Lugo, parroquia Bóveda, lugar Xesús de Nazaret" (Mapa). Mapa Base Vectorial con capas de Hidrografía. 1:2.257. Información Xeográfica de Galicia. Consultado o 8/05/2016.