Río Wouri

Río Wouri
Tipo	río; curso de auga; río principal
Inicio
División administrativa	Rexión do Litoral, Camerún
Final
Localización	Golfo de Biafra
	4°05′00″N 9°42′00″L / 4.0833, 9.7; B 4°05′00″N 9°42′00″L / 4.0833, 9.7
Afluentes	Abo (en)
Características
Dimensións	160 () km ;
Superficie da cunca hidrográfica	11.700 km²

O Wouri (tamén grafado Vouri ou Vuri) é un río do Camerún, que desemboca no océano Atlántico despois de percorrer 160 km.

Curso

O Wouri está formado pola confluencia doutros dous ríos, o Ykam e o Makombé, que se xuntan 32 km ao nordeste da cidade de Yabassi. O Wouri flúe a partir de aí por 160 km, en dirección sueste, até formar o seu estuario á par da cidade de Douala, o porto máis importante e o principal centro industrial do Camerún, no suroeste do país, sobre o golfo de Guinea.

Navegabilidade

O río é navegábel por 64 km, augas arriba, a contar desde Douala.

Exploración e nomes

Cóidase que foi o explorador e navegante portugués Fernão do Pó, ou Fernando Poo, o primeiro europeo que se achegou ao estuario do río Wouri, arredor do ano 1472. El e os seus acompañantes notaron a abundancia de camarónss e langostíns que había no río, polo que o denominaron Rio dos Camarões, de aí procede, precisamente, o nome do país: Camerún.

A ponte Bonabéri

Na década de 1950, durante o período colonial, os franceses construíron unha ponte sobre o Wouri, que ligaba a cidade de Douala coa de Bonabéri. Dita ponte tornouse nun dos eixos máis importantes para a economía do oeste camerunés, polo intenso tráfico que soporta. En 2004 a ponte sufriu importantes obras de rehabilitación.