Río Limarí
| ||||
| Tipo | río  | |||
|---|---|---|---|---|
| Inicio | ||||
| División administrativa | Rexión de Coquimbo, Chile | |||
| Localización | Hurtado River (en)  | |||
| Final | ||||
| División administrativa | mar a fóra | |||
| Localización | Océano Pacífico | |||
| ||||
| Afluentes | ||||
| Conca hidrográfica | Limari Basin (en) | |||
| Características | ||||
| Dimensións | 64 ( ) km | |||
| Superficie da cunca hidrográfica | 11.696 km² | |||
O río Limarí é un río que se atopa na rexión de Coquimbo, en Chile. Nace da confluencia dos ríos Hurtado e Grande, catro quilómetros ao leste da cidade de Ovalle.[1] O curso inferior do río bordea a parte sur do Parque Nacional Bosque Fray Jorge.
Esta conca inclúe a presenza da palmeira chilena, mais actualmente vese ameazada pola crecente poboación humana no centro de Chile.
Traxecto
[editar | editar a fonte]
A conca do río Limarí atópase na rexión de Coquimbo, entre as concas do río Elqui ao norte e o río Choapa ao sur. Esténdese entre as latitudes 30°15' e 31°20' sur, nunha área próxima aos 11800 km².
O río está formado pola confluencia dos ríos Grande, que drena a parte sur da conca do Limarí, e Hurtado, que drena a parte norte. Ámbolos teñen a súa orixe na Cordilleira dos Andes, mais o río Grande ten unha conca dúas veces maior cao río Hurtado.
O río Grande recibe varios afluentes notables, os máis importantes son o río Cogotí, río Mostazal, río Rapel (Limarí), río Guatulame, río Tascadero, río Molles, río Pama e o río Combarbalá.[1]
O río Grande e o río Hurtado conflúen a uns catro quilómetros augas arriba da cidade de Ovalle, capital da provincia do Limarí. Dende aquí o río percorre preto de 70 quilómetros até chegar á súa desembocadura no océano Pacífico, na localidade de Punta Limarí. No seu treito inferior, o río recibe escasos afluentes debido á escaseza de precipitacións na rexión, sendo o último dos seus afluentes o Punitaqui.
No seu traxecto dende Ovalle até o mar, o río Limarí flúe por vales moi abertos, forte e repetidamente aterrazados con boas terras de cultivo. Preto do mar, o val diminúe o seu ancho notablemente e entrega as súas augas por unha canle de máis ou menos 500 m de ancho.
Na súa desembocadura atópase o Parque Nacional Fray Jorge e o río atravesa a cordilleira de Talinay.
Notas
[editar | editar a fonte]Véxase tamén
[editar | editar a fonte]Bibliografía
[editar | editar a fonte]- Niemeyer F., Hans. Hoyas hidrográficas de Chile, Cuarta Región (PDF). Santiago de Chile: Ministerio de Obras Públicas (Chile), Dirección General de Aguas. Arquivado dende o orixinal (PDF) o 11 de novembro de 2018. Consultado o 1 de decembro de 2018.
- Dirección General de Aguas (2004). "Diagnóstico y clasificación de los cursos y cuerpos de agua según objetivos de calidad. Cuenca del río Limarí" (PDF). Santiago de Chile: Ministerio de Obras Públicas (Chile). Arquivado dende o orixinal (PDF) o 10 de abril de 2019.
