Puszta
Aparencia
![](http://upload.wikimedia.org/wikipedia/commons/thumb/d/d9/Puszta.jpg/220px-Puszta.jpg)
Puszta (IPA ['pustɒ]) é un termo húngaro utilizado para indicar vastas extensións de chaira esteparia, típicas das terras planas de Hungría, como a puszta de Hortobágy. O territorio da puszta é ermo, inhóspito, unha especie de deserto herboso e en orixe referíase a rexións chairegas da gran chaira húngara (Alföld), habitada por pastores de gado vacún e equino. Unha terra onde a vexetación predominante é de gramíneas, sen árbores e con algúns arbustos illados ou en pequenos grupos.
Este termo deriva dun adxectivo eslavo que significa "baleiro, abatido" e refírese tamén a granxas rodeadas por grandes leiras de campo.