Proteína de Rieske
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
| Proteína de Rieske | |||||||||
|---|---|---|---|---|---|---|---|---|---|
 | |||||||||
| Identificadores | |||||||||
| Símbolo | Rieske | ||||||||
| Pfam | PF00355 | ||||||||
| InterPro | IPR005806 | ||||||||
| PROSITE | PDOC00177 | ||||||||
| SCOPe | 1rie / SUPFAM | ||||||||
| TCDB | 3.E.2 | ||||||||
| CDD | cd03467 | ||||||||
| |||||||||
As proteínas de Rieske son proteínas ferro-xofre que forman parte dos complexos citocromo bc1 e citocromo b6f. Tamén son responsables da transferencia de electróns nalgúns sistemas biolóxicos. John S. Rieske e os seus colaboradores descubriron e illaron a proteína en 1964. Posúe un grupo único [2Fe-2S] no que un dos dous átomos de Fe está coordinado con dous residuos de histidina no lugar de dous residuos de cisteína. Desde o seu descubrimento, atopáronse en plantas, animais e bacterias, con rangos de potencial de redución que varían entre -150 e +400 mV.
Función biolóxica (en sistemas de fosforilación oxidativa)[editar | editar a fonte]
A Ubiquinol-citocromo-c reductase (tamén coñecido como complexo bc1 ou complexo III) é un complexo encimático de bacterias e dos sistemas de fosforilación oxidativa mitocondrial. Cataliza a oxidación-redución dos compoñentes móbiles ubiquinol e citocromo c, contribuíndo a xerar un gradiente de potencial electroquímico ao longo da membrana mitocondrial interna ou da membrana bacterial, que está ligado á síntese de ATP.
O complexo consiste en tres subunidades na maioría das bacterias, e nove subunidades nas mitocondrias: en ambos sitemas existen as subunidades citocromo b e citocromo c1, e unha subunidade 'Rieske' ferro-xofre, que contén un grupo 2Fe-2S de alto potencial. Nas mitocondrias existen outras seis subunidades que non posúen centros redox. En cianobacterias e cloroplastos de plantas, o complexo plastoquinona-plastocianina reductasa (compexo bf6) cataliza a oxidoredución do plastoquinol e do citocromo f. Este complexo, funcionalmente similar ao ubiquinol-citocromo c reductasa, está composto polas subunidades citocromo b6, citocromo f e unha subunidade Rieske.
A subinidade Rieske actúa unindo tanto anións de ubiquinol coma de plastoquinol, transferindo un electrón ao grupo 2Fe-2S, e despois pasando ese electrón ao átomo de ferro do grupo hemo dun citocromoc ou un citocromo f. A redución do centro Rieske aumenta a afinidade da subunidade en varias ordes de magnitude, estabilizando o radical semiquinona no sitio Q(P). O dominio Rieske posúe un centro [2Fe-2S]. un átomo de ferro está coordinado con dúas cisteínas conservadas, mentres que o outro átomo de ferro está coordinado por dúas histidinas conervadas. O grupo 2Fe-2S está unido á rexión C-terminal da subunidade Rieske, altamente conservada.
Familia de proteínas Rieske[editar | editar a fonte]
Os homólogs das proteínas Rieske inclúen proteínas con grupos ferro-xofre tales como o complexo citocromo b6f, diosixenasas que hidroxilan aneis aromáticos (ftalato diosixenasa, benceno, naftaleno e
tolueno 1,2-diosixenasas) e arsenita oxidasas. A comparación das secuencias de aminoácidos revelou a seguinte secuencia consenso:
- Cys-Xaa-His-(Xaa)15–17-Cys-Xaa-Xaa-His
Estrutura 3D[editar | editar a fonte]
Coñécese a estrutura cristalina dalgunhas proteínas Rieske. O pregamento global, que comprende tamén dous subdominios, é maioritariamente de lámina-β antiparalela, e contén tamén un número variable de hélices α. Os subdominios de unión aos centros ferro-xofre nas mitocondrias e cloroplastos son virtualmente idénticas, mentres que oas subunidades máis grandes son substancialmente diferentes na súa topoloxía. Os subdominios de unión a [2Fe-2S] teñen a topoloxía dun barril-β antiparalelo incompleto. un átomo de ferro do grupo Rieske está coordinado con dous residuos de cisteína e o outro está coordinado con dous residuos de histidina polos seus átomos Nδ. Os ligandos que coordinan o grupo xorden de dous bucles, cada bucle contribúe cunha Cys e unha His.
Subfamilias[editar | editar a fonte]
Proteínas humanas con este dominio[editar | editar a fonte]
AIFM3 RFESD UQCRFS1
Bibliografía[editar | editar a fonte]
- Este artigo foi traducido da Wikipedia en inglés en abril de 2019