Presidente de Corea do Norte
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
O cargo de presidente da República Popular Democrática de Corea foi estabelecido na Constitución de Corea do Norte en 1972. Até entón Kim Il-sung, gobernante do país, foi primeiro ministro e secretario xeral do Partido dos Traballadores de Corea. En 1972, foi creada a presidencia e Kim Il-sung foi elixido para o mando pola Asemblea Popular Suprema. Kim foi presidente até 1994, ano no que morreu sen deixar unha sucesión formal. En 1998 unha emenda á constitución aboliu a presidencia e estabeleceu o título honorífico de Presidente Eterno da República outorgada a Kim Il-sung.
Actualmente non hai ningún presidente da República Democrática de Corea, xa que ese cargo foi abolido na constitución vixente e os poderes inherentes ao mesmo divididos entre tres funcións actuais:
- O presidente do Partido dos Traballadores de Corea, cargo actualmente ocupado por Kim Jong-un.
- O presidente da Asemblea Suprema do Pobo, cargo ocupado por Choe Ryong-hae.
- O presidente da Comisión Nacional de Defensa, tamén ocupado por Kim Jong-un.
A constitución actual divide formalmente o poder da presidencia entre estes tres cargos, con Kim Jong-Un como gobernante de facto (co título de Líder Supremo de Corea do Norte).