Premio de Microrrelatos Mulleres Progresistas

Gañadoras e organización nos premios de 2019.

O Premio de Microrrelatos Mulleres Progresistas é un certame literario organizado pola Asociación Mulleres Progresistas de Vigo en colaboración coa Concellería de Igualdade do Concello de Vigo que busca a reflexión sobre distintos aspectos da igualdade de oportunidades entre mulleres e homes e o apoderamento das mulleres, entendido consonte á estratexia definida na IV Conferencia Mundial das Mulleres de Beijing nos seus tres niveis de transformación: o individual, o colectivo e a transformación social. Comezaron no ano 2013 e teñen carácter anual. O seu precedente foi o Premio de Relatos Mulleres Progresistas (2007-2011) e, con anterioridade a este último, o Premio de Novela Mulleres Progresistas de Vigo (1997-2005).

Bases

Entre outras:

Poden participar todas as mulleres que o desexen, de calquera nacionalidade ou cultura e maiores de 16 anos. Cada participante pode presentar un máximo de 3 microrrelatos que deben ir escritos en galego normativo. O tema é libre, pero con especial valoración daqueles que traten e reflexionen sobre os distintos aspectos da igualdade de oportunidades entre mulleres e homes (corresponsabilidade, dereitos, apoderamento etc.). Enlazando o carácter reivindicativo coa vertente literaria, o microrrelato debe ter natureza narrativa e non de mera proclama. Os microrrelatos deben ter un máximo de 100 palabras (excluído o título). As obras deben ser orixinais e inéditas, non estando difundidas por ningún tipo de medio, nin en papel, nin electrónico.

Obras gañadoras

Premios outorgados nas súas distintas edicións:

2014 (II edición)

• 1º premio: "Desafío", de María Jesús Fariña Busto
• 2º premio: "Dsineb", de Carolina Sertal Souto
• 3º premio: "Pantalla partida", de Andrea Núñez-Torrón Stock
• Finalistas: "A nena", de María Vilariño Suárez; "A avoa e a tormenta", de Silvia Rivas Alejandro; "Remendos", de Estela Suárez Recouso; "Ad libitum", de María González Blanco; "O canto das seras galegas", de Carolina Sertal Souto; "Consecuencias", de María Villar Andrade

2015 (III edición)

• 1º premio: "O tupper", de Clara do Roxo.
• 2º premio: "Viaxe de negocios", de Sabela Núñez Singala
• 3º premio: "Cousas da infancia", de Leticia Álvarez Lorenzo
• Finalistas: "Cancro de mama", de Sabela Núñez Singala; "Comerse as propias palabras", de Marta Carballo Puebla

2016 (IV edición)

• 1º premio: "Aula 34", de Laura de Cáceres Iglesias
• 2º premio: "A caixiña de caramelos", de Leticia Álvarez Lorenzo
• 3º premio: "Queridos Reis Magos", de Sabela Núñez Singala

2017 (V edición)

• 1º premio: "Serendipia", de Raquel Fernández Fernández
• 2º premio: "Ollomol", de María Azucena Rey Torrente
• 3º premio: "Nas mellores mans", de María Salinas García.
• Finalistas: "(Re) construírse", de Laura Arjonilla Cristóbal; "A viaxe de Amelia", de Ángela Costas Parada; "Filloas de loendro", de Julia Tomé Ortega

2018 (VI edición)

• 1º premio: "Metamorfose", de Emma Pedreira Lombardía.
• 2º premio: "A fiestra con memoria", de Pilar Vilaboy Freire
• 3º premio: "Seo materno", de Ana Padín Calviño
• Finalista: "A leoa", de Patricia Eugenia Gallego Pérez

2019 (VII edición)

• 1º premio: "Lois Lane", de Raquel Fernández Fernández.
• 2º premio: "Aurorita IV", de Susana Villamor Prieto.
• 3º premio: "A nena sobre o tellado", de Esther Alonso Domínguez.
• Finalistas: "Bebedeira", de María Azucena Rey Torrente; "As tesoiras", de Andrea Fernández Maneiro; "Matouno o demo e Deus levouno", de Andrea Costas Otero; "Pinceladas", de María Salinas García.

2020 (VIII edición)

• 1º premio: "Traballo", de Blanca Rodríguez Rodríguez.
• 2º premio: "O escafandro", de Andrea Fernández Maneiro.
• 3º premio: "Chulas de rabaqueta", de Andrea Castro Lorenzo.
• Finalistas: "A revelación", de Isabel Mancebo Portela; "A fraternidade das bestas", de Andreia Costas Otero

Véxase tamén

Outros artigos

• Premio de Novela Mulleres Progresistas de Vigo
• Premio de Relatos de Mulleres Progresistas

Ligazóns externas

• Díptico Bases do II Premio