Postal (álbum)
| Postal | ||||
|---|---|---|---|---|
| Álbum de Chicharrón | ||||
| Publicado | 9 de marzo de 2016 | |||
| Estudio(s) | A Ponte, Villestro | |||
| Xénero(s) | indie rock | |||
| Selo(s) | Prenom | |||
| Producido por | Rubén Domínguez | |||
| Cronoloxía | ||||
| ||||
Postal é o segundo álbum de estudio da banda galega de indie rock Chicharrón, publicado o 9 de marzo de 2016 a través do colectivo artístico Prenom. Ao igual que o seu primeiro traballo, Chicharrón, o disco foi gravado e mesturado no estudio A Ponte de Villestro por Tomás Ageitos. A masterización realizouna Ibán Pérez no estudio Terraforma no Hío.[1]
Neste álbum participaron os membros orixinais da banda (Alberto Vecino, Diego Gende e Rubén Domínguez), ademais das dúas novas incorporacións, Mar Catarina (teclados) e Xurxo Meis (batería).[2] Domínguez pasaríase ao baixo e ademais encargouse das tarefas de produción. Colaboraron tamén na gravación Tomás Ageitos e Mara Pérez, que posteriormente acabaría uníndose a Chicharrón.[1]
En Postal as composicións están todas en galego, a diferenza do seu anterior disco no que están en castelán. Alberto Vecino explicou este cambio dicindo que "entre nós falamos galego, así que o son Chicharrón era máis lóxico que fose en galego".[2] No disco tamén abandonan a sonoridade acústica da súa primeira entrega incorporando máis guitarras eléctricas.[1]
Listaxe de cancións[editar | editar a fonte]
Tódolos temas escritos e compostos por Chicharrón.
| N.º | Título | Duración |
|---|---|---|
| 1. | "Despois do baile" | 2:59 |
| 2. | "O teu costume do azar" | 3:48 |
| 3. | "Suicidio tímido" | 2:09 |
| 4. | "Xi" | 2:42 |
| 5. | "A verdade de calquera fonte" | 3:47 |
| 6. | "A elegancia da alegría" | 5:31 |
| 7. | "Renunciando aos meus poderes" | 3:23 |
| 8. | "Ensíname a durmir" | 1:55 |
| 9. | "Que non farías ti por non perdelo" | 3:05 |
| 10. | "O aplauso do lanzador de disco" | 3:08 |
| 11. | "Campos de adestramento eternos" | 4:47 |
| 12. | "A túa presa" | 1:51 |
Notas[editar | editar a fonte]
- ↑ 1,0 1,1 1,2 "Postal by Chicharrón". Bandcamp. Consultado o 15 de outubro de 2018.
- ↑ 2,0 2,1 "Chicharrón". La Fonoteca. Consultado o 15 de outubro de 2018.