Portal:Hóckey a patíns/Personalidade destacada/3

Daniel Martinazzo, nado en San Juan de la Frontera o 9 de xaneiro de 1958 é un ex-xogador de hóckey a patíns arxentino. Iniciou a súa carreira no Club Deportivo Unión Estudiantil da súa cidade natal, e en 1980 asinou co HC Castiglione italiano. Desenvolveu a maior parte da súa carreira profesional no HC Liceo, equipo co que gañou 5 ligas españolas, 3 Copas de Europa, 1 Copa CERS e 2 Copas Intercontinentais.

En 1978 recibiu o Premio Olimpia de Ouro coma o deportista arxentino máis destacado do ano. En 1980 e 1990 recibiu o Premio Konex de Platino como mellor xogador arxentino da década na súa especialidade. En 1980 o premio ao xogador máis correcto do Campionato do Mundo dese ano. En 1983, o Comité Olímpico Italiano outorgoulle a medalla ao Mérito Deportivo.