Pontevedra Fútbol Gaélico

Pontevedra Fútbol Gaélico
Nome	Pontevedra Fútbol Gaélico.
Alcume(s)	O Glorioso
Fundación	2013
Estadio	Campo Príncipe Felipe (Mourente)
Capacidade	500 espectadores
Propietario	Deputación de Pontevedra
Presidente	Nano Martínez
Adestrador	Mónica González
Liga	Liga Galega de Fútbol Gaélico de Primeira División
2016/17	5º (masculino) 2º (feminino)
Vestimenta	GSS
Na rede
https://gaelicopontevedra.com
Titular Alternativo

O Pontevedra FG é un equipo de fútbol gaélico formado no ano 2013 na cidade de Pontevedra. Compite na Liga Galega de Fútbol Gaélico, Copa Galega de Fútbol Gaélico e Campionato Ibérico de Fútbol Gaélico.

Historia

Pontevedra FG no Torneo Ibérico celebrado na Coruña en 2015.

A comezos de 2013, varios rapaces pontevedreses comezaron a interesarse por este deporte practicamente descoñecido na cidade, e que comezaba a ser practicado nalgunhas vilas do país, atraídos por un deporte popular que conserva os seus valores orixinais e que supuña unha alternativa aos deportes máis seguidos da cidade. Este grupo de mozos comezou a traballar para poder ir facendo adestramentos. Pouco tempo despois, o seu traballo daba resultado, e un grupo dunhas dez persoas comezaba co proxecto. Tras varias reunións, decidiuse adoptar o nome da cidade para o club, así como facer clara referencia á mesma no escudo; para as cores, o verde. O 9 de marzo do 2013, o Pontevedra Fútbol Gaélico botaba andar. Nos comezos adestraban nun pequeno campo abandonado situado na Barca, no concello de Poio, sen vestiarios nin duchas, coa herba en bastante mal estado, e moi próximo á autoestrada. Co tempo, este pequeno campo foi denominado cariñosamente coma "O Patatal". Logo de varios meses no "Patatal", e coa Liga Galega de Fútbol Gaélico xa a piques de comezar, comezaron a adestrar nos campos da Xunqueira. Por incompatibilidade de horarios víronse na obriga de xogar no campo do Carrasco en Marcón os partidos de liga. Na tempada 2014/15 o club consolidouse coa creación do equipo feminino. Durante tres anos o equipo masculino mantívose en primeira división, até a súa desaparición en verán de 2017. Na tempada 2017/18 competiu só o equipo feminino.

Clasificación

2013/2014

• 5º Liga Galega de Fútbol Gaélico
• 5º Copa Galega de Fútbol Gaélico
• 9º Campionato Ibérico de Fútbol Gaélico

2014/2015

• 5º Liga Galega de Fútbol Gaélico
• 3º Copa Galega de Fútbol Gaélico

2015/2016

• 4º Liga Galega de Fútbol Gaélico de Primeira División
• 5º Copa Galega de Fútbol Gaélico
• 6º Campionato Ibérico de Fútbol Gaélico fase Galega.

Uniforme

Uniforme titular: Camisola verde con liñas horizontais nun verde máis claro. Pantalón verde. Medias verdes.

Uniforme alternativo: Camisola granate con liñas horizontais en verde claro. Pantalón verde. Medias verdes.

Xogadoras

Datos de xaneiro de 2018

Nº Posto País Xogador DEF Nuria Tilve DEF Ruth Otero DEF Cristina Suárez DEF Marina Santiago DEF Cristina Magariños MED Sheila Piñeiro MED Carme Reboreda MED Ángela Regueira MED María Crespo MED Alejandra Romero DIA Patricia Pereira

* Capitás