Úvula

Na Galipedia, a Wikipedia en galego.
(Redirección desde «Pinguel»)
Localización da úvula nun deseño da boca humana.

A úvula -popularmente chamada pinguelo, pingallón ou campaíña- é unha pequena estrutura cónica que colga do bordo inferior do veo do padal, no padal brando, na boca.

Características[editar | editar a fonte]

Está delimitada superiormente pola zona libre do veo do padal, por abaixo pola raíz da lingua, e polos laterais polas tonsilas (amígdalas) e por unha zona do veo do padal. O espazo que fica entre os laterais do padal recibe o nome de istmo das fauces. Esta eminencia anatómica ten popularmente moitos sinónimos: campaíña, pinguelo, pingallón, choca.

Está formada por tecido conxuntivo e mucosa, ademais de tres músculos: o tensor e o elevador do padal, e o propio músculo da úvula. Funciona co resto do padal brando separando a cavidade bucal da nasal e impedindo que a comida e os líquidos cheguen a esta última no vómito.

Existe o son uvular na fala, no que na articulación do son intervén a úvula.