Philadelphia Union

Philadelphia Union
Nome	Philadelphia Union
Alcume(s)	The U, Philly
Fundación	2008
Estadio	Talen Energy Stadium Chester, Pensilvania Estados Unidos
Inauguración	27/06/2010
Capacidade	18,500
Propietario	Keystone S&E
Adestrador	Jim Curtin
Liga	Major League Soccer
2015	Leste: 6º Global: 13º Playoffs: Primeira ronda
Na rede
http://www.philadelphiaunion.com/
Titular Alternativo

O Philadelphia Union é un club de fútbol profesional que xoga na Major League Soccer. É o equipo da cidade de Filadelfia e xoga os seus partidos en Chester, Pensilvania polo que xoga na Conferencia Leste. A franquía xoga na MLS dende o ano 2010 . As cores principais do equipo son o azul mariño e o ouro, a súa segunda equipación é branca con detalles cas cores principais do club.

Historia

Nacemento

A creación desta franquía provocouse polo traballo dos seus siareiros. En 2007 os amantes do fútbol da cidade de Filadelfia crearon a asociación Fillos de Ben, esta asociación tiña como propósito crear un equipo da MLS na cidade. O traballo da asociación deu fruto no ano 2009 cando anunciabase a creación do Philadelphia Union e a súa estrea na tempada 2010. O nome "Unión" representa a unión entre as 13 colonias durante a guerra de independencia, e as súas cores —azul mariño e ouro— son un tributo ós uniformes do Exército Continental.

Primeiras tempadas

No primeiro ano a franquía rematou na décimo cuarta posición, comezaron a tempada xogando no Lincoln Financial Field e remataron no PPL Park, nos dous estadios os seareiros responderon cunha gran asistencia. A pesar da mala campaña dos de Filadelfia cabe destacar a gran tempada do francés Sebastien Le Toux que marcou 14 goles e deu 11 asistencias e foi nomeado coma MVP do equipo. Tras a tempada de adaptación, no ano 2011 o The U rematou terceiro na súa conferencia e clasificouse por vez primeira ós playoffs, pero non lograron superar o Houston Dynamo nas semifinais de conferencia. Este ano de novo brillou o xogo do francés Sebastien Le Toux.

Tras a que fóra a primeira aparición nos playoffs da franquía, as expectativas eran altas para o Philadelphia Union na tempada de 2012. Pero o ano comezou mal coa marcha da estrela Le Toux, e seguiu cós malos resultados do equipo que provocaron o despido de Peter Nowak e chegou Jason Hackworth. O xogador máis destacado foi Carlos Valdés que foi seleccionado para xogar o MLS All-Star Game. No 2013 volveu Le Toux o equipo, acompañado por outros veteranos e algunhas xoves promesas. O equipo comezou o campionato con bos resultados e na parte alta na táboa, pero un mal remate de tempada deixou a posibilidade para o Philly a tan só tres puntos.

No ano 2014 a racha de resultados foi o contrario que o ano anterior, o equipou empezou moi mal o que provocou o despido de Jason Hackworth, despois da chegada do novo adestrador, Jim Curtin os resultados melloraron e remataron nun decente sexto posto, pero de novo fóra dos playoffs. O ano seguinte a franquía volveu quedar fóra dos playoffs, a pesar da ampliación da clasificacións os playoffs de seis equipos por conferencias, xa que The U remataron novenos. Na sexta tempada do equipo na MLS, o Philadelphia Union logrou a súa segunda clasificación ós playoffs pero non foron capaz de superar ó Toronto FC na primeira ronda.

Xogadores

*Actualizada a 21 de novembro de 2016

Nº Posto País Xogador 1 POR Andre Blake 2 MED Warren Creavalle 3 DEF Taylor Washington 4 DEF Ken Tribbett 6 MED Roland Alberg 7 MED Brian Carroll 8 MED Maurice Edu 9 DEL Charlie Davies 10 MED Tranquillo Barnetta 11 MED Alejandro Bedoya 12 DEF Keegan Rosenberry 13 DEL Chris Pontius 14 DEL Fabian Herbers 15 DEF Joshua Yaro 16 DEF Richie Marquez

Nº Posto País Xogador 17 DEL C.J. Sapong 18 MED Eric Ayuk 19 MED Cole Missimo 20 DEL Wálter Restrepo 21 MED Derrick Jones 22 MED Leo Fernandes 23 DEF Anderson Conceição † 24 POR Matt Jones ‡ 25 MED Ilsinho 26 DEF Auston Trusty 27 POR John McCarthy 28 DEF Raymon Gaddis 32 MED Kevin Kratz ¶ 33 DEF Fábinho

†Este xogador está cedido polo Tombense Futebol Clube.

‡Este xogador está cedido polo Os Belenenses.

¶Este xogador está cedido polo Atlanta United FC.

Récords

Clasificación de goleadores

Actualizado a 7 de xaneiro de 2017

	Nome	Partidos	Goles
1	Sébastien Le Toux	189	53
2	Jack McInerney	101	28
3	Conor Casey	76	21
4	C. J. Sapong	64	16
5	Chris Pontius	36	14
6	Danny Mwanga	63	12
7	Roland Alberg	32	11
8	Freddy Adu	41	10
9	Andrew Wenger	60	9
10	Vincent Nogueira	72	9

En grosa os xogadores que aínda seguen no cadro de xogadores actual

Ránking máis partidos

Actualizado a 7 de xaneiro de 2017

	Nome	Partidos
1	Sébastien Le Toux	189
2	Brian Carrol	179
3	Sheanon Williams	152
4	Raymon Gaddis	132
5	Amobi Okugo	124
6	Zac MacMath	110
7	Jack McInerney	101
8	Fábinho	98
9	Michael Farfán	90
10	Carlos Valdés	78

En grosa os xogadores que aínda seguen no cadro de xogadores actual