Perfecto Rodríguez Muíños
| Biografía | |
|---|---|
| Nacemento | 12 de febreiro de 1969  (55 anos)Ponte Caldelas, España |
 Alcalde de Ponte Caldelas | |
| 2003 – 2015 – Andrés Díaz Sobral → | |
| Datos persoais | |
| Educación | Universidade de Santiago de Compostela |
| Actividade | |
| Ocupación | político |
| Familia | |
| Pai | Fidel Rodríguez Toubes |
Perfecto Rodríguez Muíños, nado en Ponte Caldelas o 12 de febreiro de 1969, é un avogado e político galego do PPdeG.
Traxectoria
[editar | editar a fonte]Licenciado en Dereito pola Universidade de Santiago de Compostela (1991). Especializado en Urbanismo, foi asesor xurídico de Xestur-Pontevedra (1998-2003). Fillo do entón alcalde Fidel Rodríguez Toubes, foi concelleiro do PPdeG en Ponte Caldelas a partir de 1995. Foi primeiro tenente de alcalde e concelleiro de Urbanismo dende 1999. En febreiro de 2002 asumiu a alcaldía en funcións tras sufrir o seu pai un derramo. Continuou á fronte do concello en funcións ata as eleccións municipais de 2003, nas cales encabezou a candidatura do PPdeG e foi elixido alcalde por maioría absoluta. Foi reelixido alcalde con maioría absoluta en 2007, sumando un concelleiro máis, asumindo ademais nese mandato a vicepresidencia primeira da FEGAMP. Volveu ser reelixido con maioría absoluta en 2011, sumando outro concelleiro máis. Nas municipais de 2015 perdeu a maioría absoluta, polo que abandonou a alcaldía tralo pacto entre os demais grupos que fixo rexedor ó socialista Andrés Díaz Sobral. En novembro de 2015 renunciou á súa acta de concelleiro tras ser nomeado xerente do Consorcio Galego de Igualdade e Benestar da Xunta de Galicia.
| Predecesor: Fidel Rodríguez Toubes |
Alcalde de Ponte Caldelas 2003 - 2015 |
Sucesor: Andrés Díaz Sobral |