Peg Entwistle
| Peg Entwistle | |
|---|---|
 Peg Entwistle en 1931 | |
| Nome completo | Millicent Lilian Entwistle |
| Nacemento | 5 de febreiro de 1908 |
| Lugar | Port Talbot, Gales, Reino Unido |
| Falecemento | 16 de setembro de 1932 |
| Lugar | Hollywood, Os Ánxeles, California, EUA |
| Causa | falling |
| Soterrado | Ohio |
| Nacionalidade | Reino Unido e Reino Unido de Gran Bretaña e Irlanda |
| Cónxuxe(s) | Robert Keith |
| Profesión | actriz de cinema e actriz de teatro |
| [ editar datos en Wikidata ] | |
Peg Entwistle, nada en Port Talbot o 5 de febreiro de 1908 e finada en Hollywood o 16 de setembro de 1932,[1] foi unha actriz de teatro galesa e, por un curto período de tempo, actriz de Hollywood, que alcanzou notoriedade tras o seu suicidio, que fixo saltando do letreiro de Hollywood.
Traxectoria[editar | editar a fonte]
Peg Entwistle, cuxo nome verdadeiro era Millicent Lilian Entwistle, foi criada en West Kensington, Londres. Máis tarde, adoptou "Peg" como pseudónimo e proseguiu con el durante o resto da súa vida. Cando aínda era unha rapaza nova, en marzo do ano de 1916, Entwistle abandonou Liverpool e foise para América, acompañada de seu pai (Robert), tío (Charles Harold), e esposas de ambos, Lauretta e Jane, a bordo do SS Philadelphia. Despois do seu pai ser morto nun accidente no ano de 1922, Entwistle e os seus dous medio-irmáns foron criados polo tío, Charles Entwistle.
Defunción[editar | editar a fonte]
No día 16 de setembro de 1932 Peg Entwistle chimpou da letra "H" do famoso sinal de Hollywood (naquela época era aínda "Hollywoodland"). O seu corpo rolou metros e metros no barranco, até ser encontrado dous días despois. Un detective e dous oficiais encontraron o corpo dunha muller nova loira, ollos azuis, que estaba moderadamente ben vestida. Non foi identificada até seu tío relacionar a descrición dada do corpo coas iniciais "P.E." na nota de suicidio. A causa de súa morte foi listada polo médico forense como "múltiples fracturas de pelve".
A nota de suicidio de Peg Entwistle di:
Teño medo, son unha covarde. Síntoo moito por todo. Se fixese isto hai tempo, aforraría moita dor. P.E.
O seu funeral celebrouse en Hollywood e o corpo foi cremado. A súas cinzas foron enviadas despois para Glendale, Ohio, para ser enterrado preto de seu pai, no "Cemiterio Oak Hill". As súas cinzas foron enterradas no día 5 de xaneiro de 1933.
Notas[editar | editar a fonte]
- ↑ Como é explicado no artigo, Entwistle certamente morreu na noite de 16 de setembro de 1932, mais o seu corpo foi encontrado dous días despois, sendo, así, a súa morte listada -no atestado de óbito- como 18 de setembro de 1932.
Véxase tamén[editar | editar a fonte]
Ligazóns externas[editar | editar a fonte]
- Peg Entwistle na IMDb (en inglés).
|
