Pedro Miranda Suárez de Puga

Na Galipedia, a Wikipedia en galego.
Saltar ata a navegación Saltar á procura
Pedro Miranda Suárez de Puga

1926 – 1927
Precedido por Ignacio Cordero Alonso
Sucedido por José Rodríguez de Vicente

Datos persoais
Nacemento Aragón
Falecemento 11/11/1928
Baiona
Fillos Teresa Miranda Yáñez e Lágrimas Miranda Yáñez
Profesión Militar
Relixión católica

Pedro Miranda Suárez de Puga, nado en Aragón e finado en Baiona o 11 de novembro de 1928, foi un militar e político galego. Foi alcalde de Baiona en 1915 tras o Motín da Fariña, e entre 1926 e 1927.

Traxectoria[editar | editar a fonte]

Naceu no século XIX en Aragón, onde estaba destinado o seu pai que era un xefe militar. Viviu moitos anos en Madrid, onde fixo carreira militar ata acadar a gradación de Subcabo de distrito de Somatenes Armados da 8ª rexión obtendo un par de condecoracións, mudándose a Baiona en 1913. Un par de anos despois interviu como alcalde no Motín da Fariña. Estaba emparentado coas familias máis adiñeiradas de Baiona, os Quiros, os Salgado ou os Pereira.

Nos seus anos en Baiona, exerceu o cargo de administrador do Hospital Sancti Spiritus, e como concelleiro en distintas ocasións. Accedeu á alcaldía en 1927 trala dimisión de Ignacio Cordero Alonso. Estando no cargo obtivo unha subvención para a compra e instalación dun reloxo na torre do campanario da igrexa parroquial de Santa Cristina da Ramallosa. Dimitiu en xuño de 1927, sendo substituído na alcaldía por José Rodríguez de Vicente.

Entre as súas posesións estaban a actual casa do concello de Baiona que foi adquirida á familia Yáñez Miranda polo alcalde Ricardo Agustí. En 2011 iniciouse o expediente de expropiación da que fora a súa vivenda aos seus descendentes, "a casa de Teresina" contigua a casa do Concello, para localización de oficinas municipais polo goberno de Jesús Vázquez Almuíña[1].

Foi o pai de Teresa e Lágrimas Miranda Yáñez.

Faleceu repentinamente en Baiona o 11 de novembro de 1928.[2]


Predecesor:
Ignacio Cordero Alonso
 Coat of Arms of Baiona (Official).svg
Alcalde de Baiona
 
1926 - 1927
Sucesor:
José Rodríguez de Vicente

Notas[editar | editar a fonte]

  1. Atlántico. "Baiona retoma la expropiación de la "casa de Teresina"". Atlántico. Consultado o 2016-04-11. 
  2. Faro de Vigo (13 de novembro de 1928). "Don Pedro Miranda Suárez de Puga". Faro de Vigo.