Pazo de Ibáñez
| Pazo de Ibáñez | ||||
|---|---|---|---|---|
 | ||||
| Tipo | casa señorial e casa do concello  | |||
| Epónimo | Antonio Raimundo Ibáñez Llano y Valdés | |||
| Estado de uso | Casa consistorial | |||
| Persoas e organizacións | ||||
| Encargado por | Antonio Raimundo Ibáñez Llano y Valdés | |||
| Localización | ||||
| ||||
| Estado | España | |||
| Comunidade autónoma | Galicia | |||
| Provincia | provincia de Lugo | |||
| Concello | Ribadeo | |||
| Contacto | ||||
| Redes |  | |||
| [ Wikidata ] | ||||
O Pazo de Ibáñez é un pazo de estilo neoclásico situado en Ribadeo, que serve de casa consistorial.
Características
[editar | editar a fonte]Tamén coñecido como pazo do Marqués de Sargadelos, porque foi Antonio Raimundo Ibáñez quen o mandou construír a finais do século XVIII sobre unha antiga edificación do 1568.
Dispón de planta rectangular e dobre altura máis bufarda. Está fabricado en perpiaños de granito e con cuberta de lousa a catro augas, cun soportal de catro pilastras na fachada principal e sobre el unha gran balconada de estilo isabelino, fundida nos antigos fornos de Sargadelos, con catro balcóns de frontóns triangulares.
No muro esquerdo ten unha lápida alusiva ao fundador de Sargadelos. No seu interior alberga tamén outra lápida do marqués de Sargadelos e varios lenzos de Pérez Couto, Prieto Cousent e Pérez Martínez.
