Patrimonio.org
A páxina de Internet Patrimonio cultural galego, aloxada no dominio Patrimonio.org, era un servizo da Dirección Xeral de Patrimonio, dependente da Consellería de Cultura e Deporte da Xunta de Galicia, que tiña coma obxectivo categorizar o conxunto do patrimonio cultural galego.
A páxina comezou a funcionar en marzo do 2009, contando nos seus comezos con 122 fichas[1] sobre elementos do patrimonio cultural galego, nas que se inclúían fotografías e vídeos, xunto con datos sobre a localización, estado, grao de protección, e valores históricos e artísticos, así coma diversas rutas culturais.
Mediante un formulario en liña, podíase poñer en coñecemento da Consellería o estado de abandono ou calquera outra incidencia de interese sobre dito patrimonio.