Paradiña, Rebordondo, Monterrei
| Paradiña | |
|---|---|
 Vista da aldea | |
| Parroquia | Rebordondo |
| Concello | Monterrei |
| Coordenadas | 42°00′18″N 7°31′14″O / 42.004896569479, -7.5204277658519 |
| Poboación | 0 hab. (2021) |
| [ editar datos en Wikidata ] | |
Paradiña é un lugar da parroquia de Rebordondo no concello ourensán de Monterrei na comarca de Verín. Ficou despoboada a comezos da década de 1990[1].
Descrición
[editar | editar a fonte]A aldea está a 565 m sobre o nivel do mar, a carón do río Rubín, afluente do Búbal, que atravesa unha ponte dun só ollo do século XX. Pódese chegar desde a aldea de Infesta, río abaixo, ou desde Rebordondo.
O seu topónimo é un hodónimo relacionado coa súa situación, ao ser un lugar de paso. Até 1893 o lugar pertenceu á parroquia de Vilaza.
Na aldea hai unha capela dedicada a san Pacio, e nela celebrábase unha romaría. A aldea áchase nun progresivo estado de deterioración. Segundo a tradición oral, nunha das casas vivía a curandeira María do Arangaño, da que se dicía que curaba o arangaño coas augas dos regatos da zona[1].
Galería de imaxes
[editar | editar a fonte]-
Escaleira da casa de María do Arangaño -
Forno -
Capela de San Pacio -
Vista da aldea
Notas
[editar | editar a fonte]- ↑ 1,0 1,1 Andrés Diz (Agosto de 2012). "Visita a Paradiña". Monterrei.
Lugares e parroquias
[editar | editar a fonte]Lugares de Rebordondo
[editar | editar a fonte]| Lugares da parroquia de Rebordondo no concello de Monterrei (Ourense) | |
|---|---|
