Papías (almirante)
| Biografía | |
|---|---|
| Nacemento | século I a. C.  Roma Antiga |
| Morte | século I a. C. valor descoñecido |
Prefeito da frota (pt)  | |
| | |
| Datos persoais | |
| País de nacionalidade | sen valor |
| Actividade | |
| Ocupación | militar |
| Período de tempo | República Romana serodia |
| Lingua | Lingua latina |
| Familia | |
| Pais | valor descoñecido e valor descoñecido |
Papías foi un almirante romano no século I a.C. Durante as guerras civís romanas participou na Guerra de Sicilia como un dos almirantes baixo o mando de Sexto Pompeio.
Traxectoria[editar | editar a fonte]
Canto se sabe del provén de Apiano que menciona a Papías varias veces na súa obra De bellis civilibus (en galego, As guerras civís [Emphylia, Ἐμφύλια]), cando describe a loita por Sicilia. No verán do 36 a. C., Papías atacou a frota de Lépido que estaba a transporta-lo seu exército de invasión dende África a Lilybaeum (Marsala) no suroeste de Sicilia. Aínda que conseguiu inflixir grandes perdas á frota de Lépido, pois das catro lexións, conseguiu destruír dúas,[1] non puido impedir que as outras dúas desenbarcasen e se reunisen con Lépido.[2] Máis tarde, o 11 de agosto do mesmo ano, dirixiu a frota de Sexto Pompeio que se enfrontou a Agripa na batalla de Mylae.
Batalla de Mylae[editar | editar a fonte]
Durante o curso da batalla, o propio barco de Papías foi embestido pola proa do barco de Agripa e afundido pero logrou nadar ata outro barco da súa frota que estaba preto e continuou a batalla.[3] Non obstante, Sexto Pompeio, que observou a batalla dende a costa, ordenou a retirada despois de recoñecer que a batalla parecía inclinarse a favor de Agripa e que tamén lle chegaban reforzos. Papías conseguiu unha retirada ordenada da frota cara a zonas de escaso calado, onde os barcos máis grandes e pesados da frota de Agripa non se atreviron a seguilos. Tras perder trinta barcos e afundir cinco, os restantes 17 barcos que Papías conseguiu salvar, escaparon, e navegaron cara aos seus portos.[4]
Con posterioridade á batalla de Milae, Papias desaparece e non volve ser mencionado, descoñecéndose o seu destino.
Notas[editar | editar a fonte]
- ↑ Apiano (1985), Libro V, 104, p. 325
- ↑ Burchett (1720), p. 169
- ↑ Apiano (1985) Libro V, 107, p. 327
- ↑ Apiano (1985), Libro V, 108, p. 328
Véxase tamén[editar | editar a fonte]
Bibliografía[editar | editar a fonte]
- Apiano (1985). Historia Romana III. Guerras civiles (Libros III-V). (Colección: Biblioteca Cláscia Gredos, nº 84) (en castelán). (tradución e notas de Antonio Sancho Royo). Madrid: Gredos. ISBN 84-249-3552-7.
- Burchett, Josiah (1720). A Complete History of the Most Remarkable Transactions at Sea, from the Earliest Accounts of Time to the Conclusion of the Last War with France: Wherein is Given an Account of the ... Naval-expeditions, Sea-fights, Stratagems, Discoveries, and Other Maritime Occurences that Have Happen'd Among ... (en inglés). Londres: W. B. for J. Walthoe and J. Walthoe, junior.