Apiano

Na Galipedia, a Wikipedia en galego.
Saltar ata a navegación Saltar á procura
Apiano
Nacementoc. 95
 Alexandría
Falecementoc. 165
 Roma
NacionalidadeRoma Antiga e Grecia
EtniaGregos
Ocupaciónhistoriador, escritor e avogado
editar datos en Wikidata ]

Apiano, nado en Alexandría cerca de 95 e finado cerca de 165,[1] en latín Appianus e en grego Ἀππιανός, ás veces citado como Apiano de Alexandría, foi un historiador grego con cidadanía romana, que viviu so os gobernos de Traxano, Hadriano e Antonino Pío.

Traxectoria[editar | editar a fonte]

Naceu arredor do ano 95 d.C en Alexandría (hoxe en Exipto). El mesmo conta que logo de cumprir diversas maxistraturas na provincia de Exipto, recalou en Roma cara ao 120, onde exerceu a avogacía, mantendo casos perante os emperadores. No 147 exerceu como procurador, posibelmente en Exipto mesmo, por recomendación do seu amigo Marco Cornelio Frontón. Este cargo de procurador só podía ser exercido por membros da clase, ou ordo, ecuestre.

Obra[editar | editar a fonte]

A súa obra, Ῥωμαϊκά, coñecida como Historia Romana, en 24 libros, escrita en grego antes do ano 165, é máis ben unha colección de monografías que unha historia cohesionada. Nela efectúa unha narración sobre diversos pobos e territorios, desde as súas orixes ata a súa incorporación a Roma. Algúns dos libros completos e considerábeis fragmentos da obra chegaron até nós. Pese á falta de atractivo do seu estilo, a obra é valiosa, especialmente no que se refire ao período das guerras civís.

Notas[editar | editar a fonte]

  1. "Appian, The Spanish Wars 14". livius.org. Consultado o 24-10-2018. 

Véxase tamén[editar | editar a fonte]