Padroso, Sarreaus, Sarreaus

Para outras páxinas con títulos homónimos véxase: Padroso.

Padroso
Capela da "Pequena" -Virxe do Rosario- no centro do lugar
Parroquia	Sarreaus
Concello	Sarreaus
Coordenadas	42°06′16″N 7°36′22″O
Poboación	33 hab. (2016)
[ editar datos en Wikidata ]

Fonte común

Padroso é un lugar da parroquia de Sarreaus, no concello ourensán de Sarreaus, na comarca da Limia. Segundo o Instituto Galego de Estatística, no 2010 tiña 46 habitantes (24 homes e 22 mulleres), o que supón que variou o número de habitantes con respecto ao ano 2009 cando tiña 43 habitantes. En 2016 segundo o INE tiña 33 habitantes, 14 mulleres e 19 homes.

Historia

Aparece no décimo segundo volume do Diccionario geográfico-estadístico-histórico de España y sus posesiones de Ultramar de Pascual Madoz:

PADROSO: en la prov. de Orense, ayunt. y felig. de San Salvador de Sarreaus (V.).

Tamén aparece no Nomenclátor de entidades de población de la provincia de Ourense de 1998.

Xeografía

Pola aldea pasa un pequeno curso fluvial local, coñecido como o ''Regato de Padroso''. Este topónimo aparece recollido tamén na cartografía oficial do Instituto Geográfico Nacional.

No acceso occidental á aldea localízanse dous topónimos destacados: A Pórtela, situada nunca das entradas do núcleo, e A Casa da Pista, uns metros máis ao sur, tamén á beira da estrada. Ambos lugares figuran na cartografía oficial do Instituto Xeográfico Nacional (http://www.ign.es/web/ign/portal).

Ademais, na aldea localízase unha pequena fonte de uso comunal, recollida como elemento de interese etnográfico no Plan Xeral de Ordenación Municipal (PXOM) de Sarreaus.

No lugar tamén existe un lavadoiro de uso comunal, hoxe en desuso. A súa existencia está recollida oficialmente no Boletín Oficial do Estado (Agencia Estatal Boletín Oficial del Estado, ed. (08-10-1980). "BOE, nº 242, 8 de outubro de 1980" (PDF). ), dentro do Plan Provincial de Obras, que incluía o «abastecemento de auga a fontes públicas e lavadoiro en Perrelos e Padroso».

Toponimia

Padroso con vistas a Sarreaus, a Limia, Portugal

O topónimo Padroso parece estar relacionado coa orografía, derivado do latín petrosus (‘pedregoso’), e designaría un lugar caracterizado pola abundancia de pedras. Forma parte da mesma serie toponímica ca outros lugares galegos como Pedroso. Segundo Gonzalo Navaza, moitos nomes parroquiais e lugares de Galicia teñen esta orixe latinorromance, vinculada ás características do terreo.

Algúns dos microtopónimos da zona son O Agreliño, O Agro, A Airoá, Amouxeses, Ancadada, O Arroxo, A Auga Furada, Os Barreiros, O Barrio, A Bougueira, A Bouza, A Bouza Fría, As Cabadiñas, O Cabazal Sanmamed, O Cagón, Caíde, O Campo, Os Campos, A Cancela, A Carril, O Carril, Casandrés, O Castiñeiriño Queimado, O Castro, A Cidá, A Cidá de Riba, A Cimota, A Coedo, As Colmeas, O Covelo, O Diestro (nome que levaban os eidos pertencentes á Igrexa da parroquia), O Eido, A Ferveiroa,  A Freixeda, A Granxa, O Greliño, A Horta Palma do Eido, Os Herdeiros, Lagarcía, A Lama, A Lama de Mende, A Lama da Portela, O Marco, O Margaceiro, O Marqués, Martulo, A Medias, As Miás, A Montecelo, As Moutras, Os Navallos, O Outeiro, O Outeiro do Val, A Paradella, O Pareisal ou Pareixal, A Pedreguiza, O Penedo Redondo, Penelas, O Picouto de Vilariño, O Piñal, O Piñeiro, A Piñoá, As Placiñas, A Plaza da Casa, A Portela, A Porteliña, As Poulas, O Prado do Medio, Os Prados, A Pregunda, As Quintas, O Rabo Longo, A Regada, As Rodas, San Pedro, O Souto, O Souto da Vella, A Tapada dos Carballos, O Toleiro, Trasdouteiro, A Trouple, A Uceira, As Uzás, Val de Sas, O Valiño, O Val de Xoane, Valdelobos, O Vallego, As Vaxongas, A Viña (recollidos o 12/11/2017. Fonte: Señoras Luísa, Irene, Angeles e señor Luís, veciños de Padroso).

Lugares e parroquias

Lugares de Sarreaus

Lugares da parroquia de Sarreaus no concello de Sarreaus (Ourense)
Padroso | Sarreaus | Sas | Tarrazo

Véxase tamén

Outros artigos

• Lugares de Sarreaus