PAW Patrol

Na Galipedia, a Wikipedia en galego.
Saltar ata a navegación Saltar á procura

PAW Patrol (Patrulla Canina na dobraxe en castelán) é unha serie canadense de animación creada por Keith Chapman e producida por Guru Studio. A estrea da serie foi o 12 de agosto de 2013 en Nickelodeon (nos Estados Unidos) e en TVOKids (no Canadá) o 27 de agosto de 2013. O show está producido por Spin Master Entertainment en asociación con TVOKids. O 14 de novembro de 2013, Nickelodeon anunciou que PAW Patrol fora renovada para unha segunda tempada que comezou a transmitirse o 13 de agosto de 2014. O 6 de xuño de 2015, Nickelodeon anunciou que PAW Patrol fora renovada para unha terceira tempada de 20 episodios que comezará a emitirse antes de finais de 2015.

O tema musical que soa ao comezo de cada episodio, na súa versión orixinal, está escrito por Michael Smidi Smith e Scott Krippayne e cantado por Scott Simons.

En Galicia emítese en canles estatais coa dobraxe en castelán.

Enredo[editar | editar a fonte]

PAW Patrol é unha serie animada de acción e aventura protagonizada por un grupo de sete cadeliños: Chase, Marshall, Rocky, Zuma, Rubble, Skye e mais Everest (incorporada na tempada 2) que son dirixidos por un rapaz de 10 anos experto en tecnoloxía chamado Ryder. Cunha mestura única de habilidades para arranxar problemas, vehículos xeniais e unha chea de humor dos lindos cadelos, os cans da patrulla traballan conxuntamente en misións de rescate de alto risco para protexer á comunidade de Baía Aventura.

Os cadeliños teñen cadansúa personalidade única e achegan unha habilidade ao equipo. Son un exemplo da importancia do traballo en equipo e da boa cidadanía. Todos eles teñen mochilas especiais nas súas costas para axudar a manexar calquera cousa - dende rescatar gatiños a salvar un tren dun derrubamento de rochas. E non importa o grande que sexa a aventura, os PAW Patrol sempre teñen tempo para xogar e rir.

Dobraxe[editar | editar a fonte]

No Canadá[editar | editar a fonte]

  • Ryder: Owen Mason / Elijha Hammill
  • Marshall: Gage Munroe / Drew Davis
  • Rubble: Devan Cohen
  • Chase: Tristan Samuel / Max Calinescu
  • Rocky: Stuart Ralston / Samuel Faraci
  • Zuma: Alex Thorne
  • Skye: Kallan Holley
  • Capitán Turbot: Ron Pardo
  • Alcadesa Goodway: Deann Degruijter
  • Alex: Christian DiStefano
  • Katie: Katherine Forrester
  • Cali: Julie Lemieux
  • François: Peter Cugno
  • Jake: Scott McCord
  • Señor Porter: Blair Williams

En España[editar | editar a fonte]

  • Ryder: Carlos Larios
  • Zuma: Marta Almazán
  • Katie: Marta Almazán
  • Marshall: Diana Torres
  • Voces adicionais: Branca Rada
  • Voces adicionais: Patricia Rada
  • Voces adicionais: Miriam Valencia
  • Voces adicionais: Marta Almazán