Oymyakon

Oymyakon
Оймяко́н
Oymyakon en febreiro de 2013.
Localización
Oymyakon
País	Rusia
Subdivisión	República de Sakha
Distrito	Distrito Oymyakonsky
Demografía
Poboación	500 (2011)
Outros datos
Código postal	678752

Oymyakon (ruso: Оймяко́н, iacut: Өймөкөөн, Öymököön) é unha localidade do Leste de Siberia (Rusia), xunto ó Río Indigirka, na República de Sakha, en 2010 tiña 462 habitantes. É coñecida por ter o marca de temperatura máis baixa nunha localidade permanentemente habitada, co valor de -71,2ºC (-96ºF), rexistrado en xaneiro de 1926.

Oymyakon sitúase a 63º 15' Norte de latitude e 143º 9' Este de lonxitude, cerca de 800 quilómetros ó leste de Yakutsk, unha das máis importantes cidades de Siberia.

O seu nome en lingua iacut significa «auga líquida» ou «auga que non se conxela», debido ás augas termais próximas ao asentamento.​ O inverno dura nove meses e é moi duro, os peixes conxelanse en só trinta segundos despois de ser sacados do río e gárdanse nos sotos das casas ao igual que o leite, que xamais é líquido, e a gasolina dos autobuses solidificase se se apaga o motor. Os habitantes aliméntanse de carne de cabalo e reno. O curto período estival permite obter algúns vexetais, ausentes dos hábitos alimentarios durante todo o resto do ano.

A escola pecha cando as temperaturas se sitúan por baixo dos -52 °C. A tinta das estilográficas conxélase habitualmente, e todo o equipamento electrónico presenta un mal comportamento en función das diferentes reaccións de dilatación e contracción dos metais a temperaturas extremadamente baixas.

Climograma de Oymyakon.