Omar al-Mukhtar

Na Galipedia, a Wikipedia en galego.
Omar al-Mukhtar

Omar al-Mukhtar, nado o 20 de agosto de 1861 e finado en Suluq o 16 de setembro de 1931, foi un dirixente relixioso e militar libio que guiou a resistencia anticolonial contra os italianos nos anos dez e vinte do século XX, coñecido cos alcume do xeque dos mártires ou o león do deserto. Capturado polos italianos executárono en 1931.

Traxectoria[editar | editar a fonte]

Nado nun pequeno asentamento da Cirenaica quedou orfo de moi cativo, quedando baixo o coidado do xeque Sharif el-Gariani. Estudou durante oito anos na escola coránica de Jaghbub, onde se integrou na tariqa(confraternidade) sanusi, seguindo despois os seus estudos na madrasa de Janzur. Despois da conquista italiana en 1912 formáronse movementos de resistencia senusi, o máis destacado dirixido por al-Mukhtar, facendo que fóra da zona costeira o poder italiano fose só nominal. En 1923 Idris desígnao xefe da resistencia guerrilleira contra os italianos. En 1927 unha forte presión italiana parecía varrer a resistencia de al-Mukhtar que reforzou o enfrontamento de guerrilas para facer fronte á situación, en 1930 as autoridades italianas deportaron á poboación da zona para illar os focos de resistencia [1]. O 11 de setembro de 1931 os italianos capturárono preto de Slonta.


Notas[editar | editar a fonte]

  1. Geoffrey Leslie Simons Libya: the struggle for survival:Palgrave Macmillan, 1993, páxina 129