NASDAQ

Na Galipedia, a Wikipedia en galego.
Sede de Nasdaq en Times Square

NASDAQ, acrónimo de National Association of Securities Dealer Automated Quotation. É o mercado electrónico de accións en Estados Unidos. Foi fundado pola National Association of Securities Dealers (NASD) e privatizado nunha serie de vendas no 2000 e o 2001. É dono e operado pola compañía Nasdaq Stock Market, Inc. (NDAQ) a cal foi listada no seu propio sistema de intercambio accionario no 2002. NASDAQ é a bolsa de comercio electrónica máis grande dos EE.UU.. Con aproximadamente 3.300 compañías, intercambia en media máis accións por día que calquera outro mercado estadounidense. O actual Xefe executivo é Robert Greifeld.

O NASDAQ é unha bolsa de valores electrónica e automatizada cuxa oficina principal está en Nova York. O NASDAQ Stock Market foi fundado na década dos setenta.

NASDAQ lista máis de 7.000 accións de pequena e mediana capitalización. Caracterízase por comprender as empresas de alta tecnoloxía en electrónica, informática, telecomunicacións, biotecnoloxía, etc.

Os seus índices máis representativos son o Nasdaq 100 e o Nasdaq Composite.

NASDAQ ten a súa raíz na petición do Congreso dos Estados Unidos á comisión que regula a bolsa (Securities and Exchange Commission) de que realizase un estudo sobre a seguridade dos mercados. A elaboración deste informe detectou que os mercados non regulados eran pouco transparentes. O SEC propuxo a súa automatización e de aí xurdiu o NASDAQ Stock Market, cuxa primeira sesión foi o 8 de febreiro de 1971.

Entre 1997 e 2000, impulsou 1.649 empresas públicas e no proceso xerou 316,5 miles de millóns de dólares. Logo dunha profunda reestruturación no 2000, NASDAQ converteuse nunha empresa con fins de lucro e totalmente rexida por accionistas. Actualmente continúa incrementando a súa capacidade no volume de transaccións, sendo capaz de transaccionar 6 billóns de accións nun día. Hoxe en día, a sede de NASDAQ está aloxada nun edificio do Times Square en Nova York e converteuse curiosamente nunha atracción turística para os visitantes que acoden á cidade.

Véxase tamén[editar | editar a fonte]

Ligazóns externas[editar | editar a fonte]