Mushishi
| Mushishi | |
|---|---|
| 蟲師 (Mushishi) | |
| Manga | |
| Creado por | Yuki Urushibara |
| Editor | Kodansha |
| Publicado en | Afternoon |
| Primeira edición | 1999 |
| Última edición | 2008 |
| Núm. de volumes | 10 |
| Anime '' | |
| Dirixido por | Hiroshi Nagahama |
| Estudio | Artland |
| Canle televisiva | Fuji TV, BS Fuji, Animax |
| Primeira emisión | 22 de outubro de 2005 |
| Última emisión | 18 de xuño de 2006 |
| Núm. de capítulos | 26 |
Mushishi (蟲師?) é o nome dunha serie de manga e anime xaponés, escrito e ilustrado por Yuki Urushibara, e publicado pola editorial Kodansha na revista mensual Afternoon dende 1999 ata agosto de 2008.
O manga foi adaptado nun anime do mesmo nome en 2005. A produción correu a cargo do estudio Artland e foi dirixida por Hiroshi Nagahama. O 24 de marzo de 2007 estreouse unha longametraxe “live-action” sobre a obra, dirixida por Katsuhiro Otomo.
O manga gañou o premio á excelencia no Japan Media Arts Festival de 2003 e o Premio Kōdansha ó mellor manga en 2006.
Sinopse[editar | editar a fonte]
A historia caracterízase pola presenza dunhas curiosas criaturas chamadas Mushi, que a miúdo amosan poderes sobrenaturais. Os Mushi son descritos coma entidades en contacto coa esencia da vida, dun xeito máis básico e puro cós seres vivos ordinarios. Por mor da súa natureza etérea, a maioría dos humanos son incapaces de percibir ós Mushi e a existencia destes élles allea, pero hai algúns que posúen a habilidade de ver e interactuar cos Mushi.
Un deles é Ginko (ギンコ?), o personaxe principal da serie. Este traballa por conta propia coma mestre de Mushi (蟲師 mushi-shi?), viaxando dun lugar a outro co galo de investigar os Mushi e axudar a quen sofre polos problemas que ás veces orixinan. A serie constitúe unha antoloxía episódica na que os únicos elementos comúns a tódolos capítulos son o propio Ginko e os múltiples tipos de Mushi. Non existe unha trama predefinida.
Personaxes[editar | editar a fonte]
Dada a natureza episódica da serie, non hai moitos personaxes recorrentes, e polo tanto a lista de actores de dobraxe é moi extensa. Ginko é interpretado por Yuto Nakano.
O inhabitual cabelo branco e os ollos verdes de Ginko son o resultado dun accidente acontecido cando este non era máis ca un cativo. Non chega a explicarse na serie por que no contexto do relato as súas roupas non corresponden co período que reflicten os outros personaxes, aínda que o autor explicou que se conservou do deseño do personaxe pensado para o escenario orixinal, ambientado nos tempos modernos. Ginko é unha persoa excepcional que atrae ós mushi. Isto é o que inspira o seu errabundo estilo de vida. Permanecer no mesmo lugar durante demasiado tempo conduciría a un amoreamento potencialmente perigoso de mushi. Tamén fuma constantemente, co fin de manter ós mushi a raia. En termos de personalidade, Ginko tende a ser tranquilo e relaxado. De calquera xeito, sabe pórse serio cando se trata de protexer á xente dos mushi. Por outra banda, a miúdo insiste en que estes non son ruíns, tan só tratan de sobrevivir coma calquera outro.
Só hai dous personaxes ademais de Ginko que repitan a súa aparición na serie, e son Adashino, un doutor que colecciona obxectos en relación cos mushi e que aparece nos episodios 5, 10, e brevemente no 18, e mais Nui, unha muller de aspecto similar a Ginko que aparece só no capítulo 12, se ben pode escoitarse a súa voz narrando algunhas das liñas de inicio e peche de cada episodio. O veterán Yūji Ueda e Mika Doi danlle voz a cada un, respectivamente.
Adaptacións[editar | editar a fonte]
Serie televisada[editar | editar a fonte]
- Véxase tamén: Lista de episodios de Mushishi.
O anime, producido por Artland e dirixido por Hiroshi Nagahama, estendeuse ó longo de 26 episodios. Os primeiros 20 viron a luz entre outubro de 2005 e marzo de 2006 en Fuji TV e mailos seus asociados, incluíndo Kansai TV, Tōkai TV, Hokkaidō Bunka Hoso, TV Shinhiroshima, e TV Nishinippon. Do 21 ó 26 transmitíronse en BS Fuji tódolos domingos dende o 14 de maio de 2006 ata o 18 de xuño do mesmo ano.
A serie de televisión cobre tódolos episodios dos primeiros cinco volumes do manga e o primeiro relato do sexto, sen se adherir á orde orixinal.
No 5º Premio Tokyo Anime durante a Feira Internacional de Anime de Tokyo, celebrada o 25 de marzo de 2006, o anime gañou os premios correspondentes ás categorías de series televisadas e mellor dirección artística (por Takashi Waki).[1]
A serie foi transmitida posteriormente pola canle televisiva xaponesa de anime Animax, quen tamén a emitiu máis tarde a través das súas respectivas canles ó redor do mundo, incluíndo Hong Kong, Taiwán, Corea do Sur e América Latina. Actualmente non existe dobraxe ó galego.
Créditos[editar | editar a fonte]
- Planificación: Yoshirō Kataoka, Yoshiaki Matsumoto, Yoshito Takaya
- Produtores executivos: Haruki Nakayama, Kenji Shimizu, Atsushi Suzuki
- Director e composición da serie: Hiroshi Nagahama
- Guión: Aki Itami, Kiniko Kuwabata, Yuka Yamada
- Deseño dos personaxes e director xefe de animación: Yasuhiko Umakoshi
- Director artístico: Takeshi Waki
- Director de fotografía: Yuki Hama
- Música: Toshio Masuda
- Produtor musical: Yukifumi Makino
- Director de son: Kazuya Tanaka
- Produción de son: Delphi Sound
- Dirección de OP e ED: Ichigō Sugawara
- Director de produción: Noburo Ishiguro (Artland)
- Produtor executivo: Hidenobu Watanabe
- Cooperación de produción: ADK
- Produtores: Yoshiaki Tamura, Hiroyuki Ōizumi, Shin Hieda
- Produción de animación: Mushishi Production Committee (Marvelous Entertainment, Avex, SKY Perfect Wellthink)
Elenco principal[editar | editar a fonte]
- Ginko: Interpretado por: Yūto Nakano
- Adashino: Interpretado por: Yūji Ueda
- Nui: Interpretada por: Mika Doi
Música[editar | editar a fonte]
Tema de apertura (Opening)[editar | editar a fonte]
- The Sore Feet Song, interpretado por Ally Kerr
Temas de peche (Ending)[editar | editar a fonte]
Tódolos temas foron compostos por Toshio Masuda.[2]
| Episodio | Titulo | Álbum | Track Número |
| 1 | Midori no Za (On Air Ver.) | Mushishi Soundtrack 2 | 24 |
| 2 | Mabuta no Hikari | Mushishi Soundtrack 1 | 6 |
| 3 | Yawarakai Tsuno | Mushishi Soundtrack 1 | 3 |
| 4 | Makura Kouji | Mushishi Soundtrack 1 | 4 |
| 5 | Tabi wo Suru Numa | Mushishi Soundtrack 1 | 10 |
| 6 | Tsuyu wo Suu Mure | Mushishi Soundtrack 1 | 12 |
| 7 | Ame ga Kuru Niji ga Tatsu | Mushishi Soundtrack 1 | 9 |
| 8 | Umi Sakai (Unasaka) Yori | Mushishi Soundtrack 1 | 7 |
| 9 | Omoi Mi | Mushishi Soundtrack 1 | 14 |
| 10 | Suzuri ni Sumu Shiro | Mushishi Soundtrack 1 | 16 |
| 11 | Yama Nemuru | Mushishi Soundtrack 1 | 18 |
| 12 | Sugame no Sakana (On Air Ver.) | Mushishi Soundtrack 2 | 23 |
| 13 | Hito Yo Bashi | Mushishi Soundtrack 1 | 13 |
| 14 | Kago no Naka | Mushishi Soundtrack 2 | 12 |
| 15 | Haru to Usobuko | Mushishi Soundtrack 2 | 7 |
| 16 | Akatsuki no Hebi | Mushishi Soundtrack 2 | 4 |
| 17 | Uro Mayu Tori | Mushishi Soundtrack 2 | 8 |
| 18 | Yama Daku Koromo | Mushishi Soundtrack 2 | 13 |
| 19 | Teppen no Ito | Mushishi Soundtrack 2 | 2 |
| 20 | Fude no Umi | Mushishi Soundtrack 2 | 3 |
| 21 | Wata Houshi | Mushishi Soundtrack 2 | 18 |
| 22 | Oki tsu Miya | Mushishi Soundtrack 2 | 6 |
| 23 | Sabi no Naku Koe | Mushishi Soundtrack 2 | 14 |
| 24 | Kagari no Kou | Mushishi Soundtrack 2 | 20 |
| 25 | Ganpuku Ganka | Mushishi Soundtrack 2 | 17 |
| 26 | Kusa wo Fumu Oto | Mushishi Soundtrack 2 | 21 |
Longametraxe[editar | editar a fonte]
En 2006 foi estreada unha película de Imaxe real de Mushishi baixo o nome Mushishi live-action, dirixida por Katsuhiro Otomo. A estrea celebrouse durante o Festival Internacional de Cine de Venecia.[3]
A trama da película correspóndese cos episodios 2, 7, 9 e 15 do manga. O cadro de actores inclúe a Joe Odagiri como Ginko, Makiko Esumi como Nui e Yū Aoi como Tanyū.
Videoxogo[editar | editar a fonte]
A adaptación da serie ó mundo dos videoxogos foi posta á venda o 31 de xaneiro de 2008 para a Nintendo DS en Xapón.
Recepción[editar | editar a fonte]
A serie ten recibido numerosos premios; en 2003, o manga foi galardoado co premio á Excelencia no 7ª Festival das artes multimedia do Xapón, mentres que en 2006 obtivo o Premio Kōdansha ó mellor manga.[4] No 10º Festival das artes multimedia do Xapón, tanto o anime como o manga remataron entre os 10 primeiros nas súas respectivas categorías ó mellor manga e anime.[5] O anime gañou o primeiro premio nas categorías de serie televisada e mellor dirección artística no Tokyo Anime Award durante a Feira Internacional de Anime de Tokyo en 2006.[1]
Notas[editar | editar a fonte]
- ↑ 1,0 1,1 "東京国際アニメフェア2006" (en Japanese). taf.metro.tokyo.jp. Arquivado dende o orixinal o 18 de xullo de 2006. Consultado o 2006-07-30.
- ↑ Mushi-Shi (TV)
- ↑ "Mushishi". Anime News Network. 2006-07-28. Consultado o 2006-07-30.
- ↑ "過去の受賞者一覧 : 講談社漫画賞 : 講談社「おもしろくて、ためになる」出版を" (en Japanese). Kodansha. Arquivado dende o orixinal o 03 de xullo de 2010. Consultado o 2007-08-21.
- ↑ "文化庁メディア芸術祭10周年企画アンケート日本のメディア芸術100選 結果発表". Arquivado dende o orixinal o 15 de abril de 2009. Consultado o 2007-05-03.
Véxase tamén[editar | editar a fonte]
Ligazóns externas[editar | editar a fonte]
- Official Mushishi TV Website (en xaponés)
- Official Mushishi Film Website (en xaponés)
- Mushishi (Manga) en Anime News Network's Encyclopedia (en inglés)
- Mushishi (TV) en Anime News Network's Encyclopedia (en inglés)
- Mushishi (live-action movie) en Anime News Network's Encyclopedia (en inglés)
- [1] Manga en inglés
- Páxina oficial de Animax para América Latina
- Mushishi, animación e manga
