Monstro de Frankenstein

Para outras páxinas con títulos homónimos véxase: Frankenstein.

Monstro de Frankenstein
Instancia de humanoide de ficción monstro personaxe cinematográfico morto vivente ficticio organismo de ficción personaxe literario personaxe de televisión
Obra
Primeira aparición Frankenstein ou o moderno Prometeo
Presente na obra Frankenstein ou o moderno Prometeo
Creador/a Mary Shelley Víctor Frankenstein
Interpretado por Phil Hartman Robert De Niro Nick Brimble John Bloom Rory Kinnear Shuler Hensley Xavier Samuel Aaron Eckhart Christian Bale Kiwi Kingston Christopher Lee Jacob Elordi Boris Karloff David Prowse Charles Stanton Ogle Béla Lugosi Lon Chaney Jr. Glenn Strange Clancy Brown
Biografía
Lugar de nacemento laboratorio de Frankenstein
Sexo home
Actividade
Inimigo/a Víctor Frankenstein
Ocupación monstro
Localización  Lugar de nacemento laboratorio de Frankenstein
Códigos e identificadores Freebase /m/02blr4
Fontes e ligazóns  Descrito pola fonte The Nuttall Encyclopædia
Wikidata C:Commons

O monstro de Frankenstein, ás veces coñecido sinxelamente como Frankenstein, é un personaxe ficticio cuxo creador na ficción foi Victor Frankenstein. O monstro apareceu por vez primeira na novela de Mary Shelley de 1818 Frankenstein ou o moderno Prometeo. O título de Shelley compara a Victor Frankenstein co personaxe mitolóxico Prometeo que creou ós humanos con arxila e lume. Malia que a criatura da novela de Shelley non tiña nome, a criatura tomaría o nome de "Frankenstein" en anos posteriores.

Na historia gótica de Shelley, Victor Frankenstein construíu á súa criatura no laboratorio cun ambiguo método baseado na química e na alquimia. Shelley describe o monstro cunha altura de 2,4 metros, horriblemente feo, mais sensible e emocional. O monstro intenta encaixar na sociedade humana, pero é rexeitado, o cal o leva a vingarse contra o seu creador. Segundo o estudoso Joseph Carroll, o monstro atópase na "fronteira das características que definen normalmente a un protagonista dun antagonista".