Mitsubishi Ki-67

Na Galipedia, a Wikipedia en galego.
Saltar ata a navegación Saltar á procura
Ki-67 Hiryu
MitsubishiKi67.jpg
Hiryu en terra
TipoBombardeiro
FabricanteMitsubishi
Deseñado porOzawa Kyonosuke
Unidades construídas767

O Mitsubishi Ki-67 Hiryu (飛龍, dragón voador) foi un bombardeiro peado xaponés da Segunda Guerra Mundial. Foi deseñado en 1941 para substituír ao Ki-49 e voou por primeira vez en decembro de 1942. Foi o mellor bombardeiro pesado do Exercito Imperial do Xapón, pero só estivo en servizo os últimos 11 meses de guerra, entregándose 698 exemplares. Os aliados alcumárono "Peggy".

Operacións[editar | editar a fonte]

O Ki-67 foi usado para bombardeos de nivel, e torpedeiro. Foi inicialmente empregado pola Armada Xaponesa e o Servizo Aéreo da Armada contra a 3ª Frota estadounidense durante os seus ataques contra Formosa e as illas Ryukyu. Posteriormente utilizouse en Okinawa, China, Indochina Francesa, Karafuto e contra os aeródromos de B-29 en Saipan, Tinian e Guam, apoiando os ataque da Giretsu (unha unidade especial do Exército Imperial Xaponés). Unha versión especial de ataque ao chan foi empregada nas misións da Giretsu, equipada con tres canóns de 20 mm dirixidos por control remoto para disparar cara o chan, tiña tamén outro canón de 20 mm na cola, metralladoras de 13.2 mm no lateral e na zona superior e máis capacidade de combustible. Incluso con máis combustible, estas misións eran dun só sentido debido ás longas distancias que os avións tiñan que percorrer. Na súltimas fases da guerra, versións especiais de ataque usáronse en misións kamikaze.