Minisat 01

Na Galipedia, a Wikipedia en galego.
Saltar ata a navegación Saltar á procura
Minisat 01
TipoDemostrador tecnolóxico.
OrganizaciónInstituto Nacional de Técnica Aeroespacial[1]
Data de lanzamento21 de abril de 1997[2][3][4]
Foguete portadorPegasus XL[1][3]
Sitio de lanzamentoIllas Canarias[3][5]
Obxectivo da misiónDemostrador tecnolóxico.[3][5]
Decaemento26 de febreiro de 2002[2]
NSSDC ID1997-018A
Masa200 kg[1][3][5]

Minisat 01 foi un satélite artificial do Instituto Nacional de Técnica Aeroespacial usado para facer diversos experimentos no espazo. Foi lanzado o 21 de abril de 1997 desde as Illas Canarias mediante un foguete Pegasus XL aerotransportado.[1][3]

Características[editar | editar a fonte]

Minisat 01 foi un satélite español adicado á experimentación no espazo que foi lanzado desde un foguete aerotransportado Pegasus XL xunto co satélite funerario Celestis. Foi inxectado nunha órbita inicial de 566 km de perixeo e 585 km de apoxeo, cunha inclinación orbital de 150,97 graos e un período orbital de 96,1969 minutos. O seu obxectivo principal foi realizar diversos experimentos de demostración de novas tecnoloxías.[1][3][4]

O satélite foi construído por Construcciones Aeronáuticas S.A. e estaba estabilizado nos tres eixos. Levaba catro paneis solares despregables capaces de proporcionar cada un ata 45 vatios de potencia. O sistema eléctrico da nave funcionaba con 28 voltios e necesitaba unha media de 60 vatios de potencia. A capacidade de almacenamento de datos interna era de 32 Mbytes e a transmisión con terra realizábase en banda S, cunha velocidade de ata 1 Mbps. Reentrou na atmosfera o 26 de febreiro de 2002.[1][2]

Experimentos[editar | editar a fonte]

Minisat 01 levaba tres experimentos a bordo:[1][3][5]

  • EURD : era un espectrógrafo construído en colaboración cos Estados Unidos para estudar a radiación de fondo na banda do ultravioleta extremo.
  • LEGRI: construído en colaboración co Reino Unido, estudou o radiación gamma de fontes astronómicas usando detectores de HgI2.
  • CPLM: foi un experimento para estudar o comportamento das pontes líquidas en condicións de microgravidade.

Notas[editar | editar a fonte]

  1. 1,0 1,1 1,2 1,3 1,4 1,5 1,6 Gunter Dirk Krebs (2011). Gunter's Space Page, ed. "Minisat 01" (en inglés). Consultado o 13 de febreiro de 2015. 
  2. 2,0 2,1 2,2 N2YO (2011). Real Time Satellite Tracking, ed. "MINISAT 01" (en inglés). Consultado o 13 de febreiro de 2015. 
  3. 3,0 3,1 3,2 3,3 3,4 3,5 3,6 3,7 NASA (26 de agosto de 2014). "Minisat 01" (en inglés). Arquivado dende o orixinal o 13 de febreiro de 2015. Consultado o 13 de febreiro de 2015. 
  4. 4,0 4,1 "Note verbale dated 9 October 1997 from the Permanent Mission of Spain to the United Nations (Vienna) addressed to the Secretary-General" (97-27372). 20 de outubro de 1997: 2. Arquivado dende o orixinal (PDF) o 13 de febreiro de 2015. Consultado o 13 de febreiro de 2015. 
  5. 5,0 5,1 5,2 5,3 Mark Wade (2011). "Minisat" (en inglés). Consultado o 13 de febreiro de 2015. 

Véxase tamén[editar | editar a fonte]

Ligazóns externas[editar | editar a fonte]