Memorias de Idhún é unha triloxía de libros de fantasía e aventura escrito pola escritora valenciana Laura Gallego García, autora doutros libros como Finis Mundi, Las hijas de Tara ou as Crónicas de la Torre. A historia trata de tres rapaces, Jack, Victoria e Kirtash, quen están predestinados a cambiar o destino de Idhún para sempre.[1][2]
No primeiro libro, os personaxes desenvolven lazos sentimentais moi complexos e loitan na Terra mentres que van descubrindo a súa verdadeira natureza e máis acerca de Idhún e a profecía. O obxectivo é atopar ao último unicornio e ao último dragón.
No segundo libro, os personaxes deben aprender a convivir e continúa o desenvolvemento emocional,[1] xa en Idhún. Deben preparar a rebelión e o unicornio e dragón deben derrotar a Ashran. Porén pronto se descobre que todo a loita non é máis có comezo dunha gran guerra divina.
O terceiro libro explora a relación dos deuses coa historia. A acción desenvólvese entre Idhún e a Terra.
