Melissa é o primeiro álbum de estudio da banda danesa de heavy metalMercyful Fate, publicado o 30 de outubro de 1983 a través do selo Roadrunner Records, sendo o primeiro álbum editado pola discográfica. Tamén foi o primeiro traballo de Mercyful Fate que tivo un lanzamento oficial nos Estados Unidos, a través de Megaforce Records, xa que o EP autotitulado era unha peza de importación moi buscada, e as sesións na BBC só estaban dispoñibles en cintas piratas.[1] En 2005 Roadrunner Records reeditou o álbum con varias cancións e un DVD extra.