É sede dun municipio de 111,14km² de área e 20.751 habitantes (2001), subdividido en 6 freguesías (Barcouço, Casal Comba, Luso, Mealhada-Ventosa do Bairro-Antes, Pampilhosa e Vacariça), cunha densidade de poboación de 164,4 hab/km². O municipio limita ao norte co municipio de Anadia, ao leste con Mortágua, ao sueste con Penacova, ao sueste e ao sur con Coímbra e ao oeste con Cantanhede. O concelho ten a súa orixe no antigo couto de Vacariça. En 1836 foi creado o actual municipio.
O concello de Mealhada localízase na parte sur do distrito de Aveiro e forma parte da Rexión Centro (NUTS II) da Unidade Territorial do Baixo Mondego. Dada a súa veciñanza con Coímbra, o concello está moi influenciado por esta cidade e mantén unha estreita conexión coa urbe coimbrá en moitas materias.
