Manuel Riobóo Rodríguez
| Biografía | |
|---|---|
| Nacemento | Cortiñán, España  |
| Morte | 1948 Galicia, España |
| Datos persoais | |
| País de nacionalidade | España |
| Actividade | |
| Ocupación | membro da resistencia |
Manuel Riobóo Rodríguez, coñecido como Barbeiro de Cortiñán, nado en Cortiñán (Bergondo) e finado en 1948, foi un guerrilleiro antifranquista galego.
Traxectoria[editar | editar a fonte]
Enlace da guerrilla, foi detido logo da deserción de Claudio Díaz Milia en xullo de 1946. Xulgado en consello de guerra na Coruña o 30 de setembro de 1946 xunto cos médicos Fernando José e Augustin Chacartegui Barbier e 19 persoas máis na causa 336/46, foi acusado de subministrar alimentos e prestar servizos como barbeiro aos guerrilleiros.[1] Foi condenado a seis meses e un día de prisión por "auxilio a elementos huídos". Ao saír en liberdade integóuse na guerrilla. Por orde de Emilio Pérez Vilariño, foi o autor da morte de Ángel Pato Fidalgo o 13 de agosto de 1947. Ía formar parte do grupo de Foucellas que se trasladou a Pontevedra para reforzar a guerrilla, pero estaba doente. Finou de enfermidade en 1948 nun punto de apoio.
Notas[editar | editar a fonte]
- ↑ La Voz de Galicia, 1-10-1946, p. 7.
Véxase tamén[editar | editar a fonte]
Bibliografía[editar | editar a fonte]
- Martínez, Lupe (2023). Guerrilleir@s antifranquistas da provincia da Coruña. Vigo: Galaxia. pp. 405–406. ISBN 978-84-1176-172-7.