Manuel Pardo Argüeso

Na Galipedia, a Wikipedia en galego.
Saltar ata a navegación Saltar á procura
Manuel Pardo Argüeso
Nacemento1 de abril de 1920
 Cortes, Bergondo, Bergondo
Falecemento9 de xaneiro de 1948
 Oroso
NacionalidadeEspaña
Ocupaciónmembro da resistencia
editar datos en Wikidata ]

Manuel María Pardo Argüeso, coñecido como Trelles, nado en Cortes (Bergondo) o 1 de abril de 1920 e finado en Oroso o 9 de xaneiro de 1948, foi un guerrilleiro antifranquista galego.

Traxectoria[editar | editar a fonte]

Irmán de Andrés Pardo Argüeso, morto na fuga da prisión de San Cristóbal o 22 de maio de 1938. Guerrilleiro ferido na taberna de Domingo Bermúdez no lugar da Igrexa de Oroso o 8 de xaneiro de 1948, logo de disparar e matar ao brigada de Artillería Juan Raña Martínez. Faleceu unhas horas desois do tiroteo e o seu corpo foi abandonado nun monte próximo polos seus compañeiros.

No monte Puzos, da mesma parroquia de Oroso, apareceu morto un home duns 25 a 30 anos, de pelo castaño, ollos verdes azul claro, nariz pequena, e dun talle aproximado de 1,70 metros, vestido cun xersei de punto cor granate, camisa a raias azuis, camisola de punto, pantalón gris de pano e calcetíns negros novos, calzón curto e de complexión forte. Co cadáver a garda civil entregou ao xuíz instrutor unha pistola marca “Llama” 9 m/m curto nº 44359, un cargador, tres cartuchos e varias vainas, unha gabardina, unha boina negra e dous cartuchos do 9 longo. O corpo foi enterrado no cemiterio de Oroso sen identificar. Días despois o xulgado militar comunicou que o cadáver fora identificado como Manuel Pardo Argüeso.

En represalia pola morte do militar Juan Raña Martínez, o 2 de marzo foi asasinada en Bergondo Celsa Argüeso, nai de Manuel Pardo Argüeso.

Véxase tamén[editar | editar a fonte]

Bibliografía[editar | editar a fonte]

  • Pazos Gómez, Manuel (2011). A guerra silenciada. Mortes violentas na comarca de Ordes 1936-1952. pp. 77–78.